Brıfıng barysynda oblys mektepterinde oqý prosesin uıymdastyrý úshin kompıýterlik tehnıkany satyp alýdyń ashyqtyǵy men aıqyndyǵyn qamtamasyz etý máseleleri qaraldy.
2020-2021 oqý jylynyń basynda 647 memlekettik mekteptiń 271-i qashyqtyqtan oqytý formatyna kóshirildi. Sanıtarlyq talaptardy qatań saqtaı otyryp shtattyq rejımde 373 mektep bilim alýda. Qashyqtyqtan oqytýdy uıymdastyrý maqsatynda bıyl Qazaqstan Respýblıkasy Úkimetiniń rezervi esebinen bizdiń oblysymyzǵa 4 mlrd 105 mln 381 myń teńge bólindi.
Úkimet rezerviniń qarajaty esebinen kompıýterlik tehnıkany satyp alý "Shyǵys – Adaldyq alańy" jobalyq keńsesiniń, jergilikti atqarýshy organdardyń, ata-analar qoǵamdastyǵynyń ókilderi, depýtattar, táýelsiz baıqaýshylar kirgen jumys tobynyń qatysýymen Ashyq ótkizildi. Búgingi kúni kompıýterlik tehnıkanyń kezekti partııasy keldi jáne ol tehnıkalyq erekshelikke sáıkestigi, zaqymdanýdyń bar-joǵy tekserildi.
Qazirgi tańda 3754 dana planshet, 880 kompıýter tolyq kólemde berýge daıyn. Aldaǵy ýaqytta 1879 dana kompıýterlerdiń qalǵan bóligin jáne aptanyń sońyna deıin noýtbýkterdiń qalǵan bóligin jetkizý josparlanyp otyr.
Bul úderistiń ashyqtyǵyn aımaqtyq sybaılas jemqorlyqqa qarsy is-qımyl departamenti men "Shyǵys – Adaldyq alańy" jobalyq keńsesiniń ókilderi kiretin arnaıy jumys komıssııasy qadaǵalaıtyn bolady.
