Aýdandyq bas sanıtar dárigerdiń qaýlysyna sáıkes, Býlaev jáne Maǵjan Jumabaev aýdanynyń basqa aýyldary, sondaı-aq Petropavl arasynda resmı, beıresmı tasymaldaýshylarmen jolaýshylar tasymaldaýǵa tyıym salynady.
Saǵat 22.00-den 06.00-ge deıin turǵyndardyń úılerden shyǵýy shekteledi (jumys jáne medısınalyq kómekten basqa). Qalǵan ýaqytta jaqyn mańdaǵy dúkenge, dárihanaǵa shyǵýǵa, qoqysty shyǵarýǵa ruqsat etiledi.
Sonymen birge kórshilerge, tanystarǵa, týystarǵa, áriptesterge barýǵa tyıym salynady. Budan bólek, saǵat 19.00-den keıin eresekterdiń qaraýynsyz kámeletke tolmaǵandardyń júrýine shekteý qoıyldy. Al 65 jastan asqan egde jastaǵylarǵa ózin ózi oqshaýlaý rejimin saqtaý keregi aıtyldy.
