Jastar resýrstyq ortalyǵynyń bir top eriktisi qaladaǵy Nurkent shaǵyn aýdanyna elýden astam alma aǵashyn otyrǵyzdy. Jastardy ıgi bastamaǵa jumyldyrǵan «Eko-Almaty» aksııasy «Shetciz qala» jáne «Jasyl qala» baǵdarlamalary aıasynda júzege asyp otyr. Osylaısha volonterler qaladaǵy bos jerlerdi gúldendirýdi kózdeıdi. Jalpy, aksııa aıasynda taǵy da basqa aýmaqtar qamtylatyn bolady. Almanyń otany sanalatyn Almatyda alma aǵashyn kóptep otyrǵyzýdyń ózindik sımvolıkalyq máni bar.
«Almaty qalasynyń demalys ortalyqtary jáne 8 aýdanda ornalasqan Jastar resýrstyq ortalyqtarynyń qyzmetkerleri men volonterleri «Eko-Almaty» taza qala aksııasyn jalǵastyrýda. Jobanyń maqsaty – qalamyzdy odan ári qulpyrtý. Alma men Almaty egiz uǵym. Elimizdiń áýe qaqpasy sanalatyn ońtústik astanamyzǵa kelgen sheteldikter kóz aldyna almanyń atasy atanǵan qala qandaı eken dep elestetip keledi. Shahardyń ár buryshynda alma ósip tursa qandaı jarasymdy bolar edi. Bizdiń basty tilegimiz de osy. Bul iske árbir azamat belsendi túrde úles qosýǵa tıis. Tek naýqan retinde qabyldamaı, ózi ekken aǵashtyń jetilip ósýin qadaǵalasa ıgi», – deıdi Alataý aýdandyq Jastar resýrstyq ortalyǵynyń jetekshisi Nursultan Sembaev.
ALMATY
