Almaty qalasynda áýejaı men qoǵamdyq oryndarda baqylaý talaptary kúsheıip, turǵyndarǵa qaýipsizdik sharalaryn qatań saqtaýǵa keńes berildi.
"Koronavırýs ınfeksııasynyń juqtyrý kózi onyń syrttan keletinin jáne onyń qala ishinde taralatynyn eskere otyryp, Almaty qalasynyń ákimdigi kórsetilgen baǵyttardyń árqaısysy boıynsha keshendi sharalar qabyldap jatyr. Koronavırýs ınfeksııasynyń taralýyn boldyrmaý úshin Almaty halyqaralyq áýejaıynda turaqty túrde elimizge shetelden keletin azamattarǵa turaqty túrde monıtorıng júrgiziledi. Maqsat – ushyp kelgender arasynda koronavırýs ınfeksııasyn anyqtaýǵa arnalǵan testten ótkeni týraly anyqtamasy joq azamattardy anyqtaý jáne sáıkes dıagnostıkany júrgizý úshin jedel oqshaýlaý", deıdi departament ókili.
Budan bólek, aýrý juqtyrýdy boldyrmaý, qala aýmaǵynda karantın sharalarynyń buzylý faktilerin anyqtaý jáne qaýipsizdiktiń sanıtarlyq-epıdemııalyq talaptaryn odan ári oryndalýyn qamtamasyz etý maqsatynda 26 monıtorıngtik top qyzmet etip jatyr.
12-13 qazan aralyǵynda karantın talaptarynyń saqtalýy boıynsha 243 tekserý sharalary júrgizilip, 27 nysanda tártip buzýshylyq anyqtalǵan. Al betperde rejimin buzǵany úshin QR Ákimshilik quqyq buzýshylyq kodeksiniń 425-babynyń 1-tarmaǵy boıynsha 5 jeke tulǵa ákimshilik jaýapkershilikke tartyldy.
Sonymen qatar, Almaty qalasynyń bas memlekettik sanıtar dárigeriniń 15.08.2020 jylǵy № 56 qaýlysyndaǵy talaptardy buzǵan nysandar anyqtaldy.
"Sonyń ishinde Maqataev kóshesi, 53 mekenjaıyndaǵy (Medeý aýdany) "Shans" bıngo klýby, Rozybakıev kóshesi, 49 mekenjaıyndaǵy (Bostandyq aýdany) "Sansabıl" dámhanasy, Bókeıhanov kóshesi, 44 A mekenjaıyndaǵy "King Beer Halal Burgers" dámhanasy, Fedorov kóshesi, 24 mekenjaıyndaǵy (Jetisý aýdany) "Lýna" dámhanasy, 6 shaǵyn aýdandaǵy 3B úı mekenjaıyndaǵy "Dýel" kompterlik klýby, 6 shaǵyn aýdandaǵy 11 úı mekenjaıyndaǵy (Áýezov aýdany) "Monstr" kompıýterlik klýby bar", deıdi Ásel Qalyqova.
