Oqıǵa ornyna «Qyran-23» ekıpajy quramyndaǵy О́skemen qalasynyń polısııa ınspektorlary jedel jetken. Olar kele salysymen polısııa qyzmetkerleri kópirden sekirgeli otyrǵan er adamdy kóredi. Sol ýaqyt ishinde Tótenshe jaǵdaılar departamentiniń qyzmetkerleri kópir astyna katermen kelip, er adamdy raıynan qaıtarýǵa tyrysqan.
Polısııa qyzmetkerleri jaǵdaıdy eskerip, ekige bólinýge sheshim qabyldaıdy. Leıtenant Nurjan Ilıasov er adam kenetten oqys qadam jasamaýy úshin, onyń kóńilin aýlap, áńgimege tartady. Osy sátte patrýldik polısııa bóliminiń ınspektory, aǵa leıtenant Anýar Muhametqalıev shıraq qımyldap, er adamdy qaýipsiz qashyqtyqqa tartyp alady. Budan soń oqıǵanyń mán-jaıyn anyqtaý úshin er adam polısııa bólimine jetkizildi. Al ne sebepti ómirmen qosh aıtysqysy kelgeni, bizge beımálim.
