Qarjylaı qory 500 000 teńgeni quraıtyn stıpendııaǵa Proza janry boıynsha Baqytgúl Sármekova, Poezııa janry boıynsha Aıjan Tabarakqyzy, Aýdarma janry boıynsha Samǵar Turarbek ıe boldy. Stıpendıanttar qazannyń 19-y kúni Atyraý qalasyndaǵy arnaıy sharada marapattalady. Uıymdastyrýshylardyń aıtýynsha, Rahymjan Otarbaev atyndaǵy stıpendııa eki jylda bir ret taǵaıyndalmaq. Jáne tek osy jyly Dramatýrgııa-teatrtaný janry boıynsha laıyqty úmitker tabylmaǵandyqtan berilgen joq.
Jyl basynda Atyraý oblysynyń ákimdiginiń qarjylandyrýymen «Rahymjan Otarbaev. Ádebı syn» atty baıqaý jarııalanǵan edi. Rahymjan Otarbaev shyǵarmashylyǵyn nasıhattaý hám ádebı synnyń damýyna úles qosý maqsatynda ótkizilgen baıqaý búginde óz máresine jetti. Jeńimpaz esimi 19 qazanda resmı túrde jarııalanady.
Sondaı-aq shara aıasynda Rahymjan Otarbaevtyń qos kitaby – Berlındegi «Dagıelı» baspasynan hám Bakýden jaryq kógen «Bas» romanynyń tusaýkeseri ótkizilmek.
Aıta keteıik, atalǵan ádebı sharalar 19 qazan – jazýshy Rahymjan Otarbaevtyń týǵan kúni aıasynda uıymdastyrylyp otyr.
