Aımaqtar • 16 Qazan, 2020

Mańǵystaýda "Jas maman" jobasy júzege asyrylýda

280 ret

kórsetildi

1 mın

oqý úshin

Mańǵystaýda "Jas maman" jobasy aıasynda materıaldyq-tehnıkalyq bazamen jaraqtandyrý jumystary júzege asyrylyp jatyr. Bul týraly Qoǵamdyq kommýnıkasııa ortalyǵynda ótken brıfıngte Mańǵystaý oblysynyń Bilim basqarmasynyń basshysy Asqar Seıdalıev habarlady. Bul bastama 2019 jylǵy elimizdiń Tuńǵysh Prezıdenti N.Á. Nazarbaevtyń 180 kolledj ben 20 joǵary oqý ornyn zamanaýı tehnıkamen jabdyqtaý jáne bilikti mamandarmen qamtý arqyly búgingi naryqqa qajetti mamandardy daıarlaý tapsyrmasyna sáıkes qolǵa alyndy.

Gúlaıym DÁÝITBAI

Mańǵystaýda "Jas maman" jobasy júzege asyrylýda

-Buǵan respýblıkalyq bıýdjetten 3 mlrd. teńge qarjy bólindi. Onyń ishinde 2020 jylǵa 5 kolledjge 1,6 mlrd. teńge 2021 jylǵa 5 kolledjge 1,4 mlrd. teńge sonymen óńirimizdiń tehnıkalyq baǵyttaǵy 10 kolledji jaraqtandyrylady. Bólingen qarajatqa agregattar, jattyqtyrýshy mashınalar men avtotrenajerlar, 3D prınterler, mobıldi beınestýdııalar, adamtárizdi robotkonstrýktorlar jáne t.s.s. zamanaýı jabdyqtar satyp alynady, dedi Mańǵystaý oblystyq Bilim basqarmasynyń basshysy Asqar Seıdalıev.

Joba aıasynda kolledjder óńir naryǵyndaǵy suranysqa ıe aspaz, kondıter, tokar, dánekerleýshi, qurylysshy, avtokólikterge qyzmet kórsetý, baılanys operatorlary sııaqty mamandardy daıarlaıdy. Aıta keteıik, kolledj stýdentteriniń shákirtaqysy byltyrǵy jylmen salystyrǵanda respýblıkalyq bıýdjet esebinen 25% kóbeıdi. 2019 jyly ortasha eseppen 21787 teńgeni qurasa, bıyl 26815 teńgeni qurady.

Mańǵystaý oblysy