Ekinshi tolqynǵa erekshe daıyndyq

Basqarma basshysy aıt­qan­daı, búginde bas qalada epı­de­mııalyq ahýal turaqty. Sta­sıonarlarda 87 naýqas em qabyl­dasa, ambýlatorlyq jaǵ­daı­da 60 naýqas medısına qyz­met­kerleriniń baqylaýynda tur. Olardyń keıbirinde aýrý bel­gileri bilinbegen. Nur-Sul­tanda jaǵdaı turaqty bolǵanymen, aýrý órship turǵan soltústik kór­shi­ge japsarlas jatqan Soltús­tik Qazaqstan oblysynyń birneshe aýdanynda olaı bolmaı tur. Sondyqtan da ózgermeli dúnıede qamsyz otyrmaı, aldyn ala daıyndalǵan jón. Elordadaǵy barlyq emhanada fıltr kabınetteri iske qo­­syl­ǵan. Onyń negizgi mindeti – JRVI juqtyrǵan naýqastardy anyq­tap, olardy oqshaýlap, naý­qas­tardy PTR testen ótkizý.

– Vırýs anyqtalǵan jaǵdaıda ambýlatorlyq baqylaý jáne emdeý júrgiziledi. Bizdiń basty maqsatymyz – naýqasty pnevmonııa sııaqty aýyr jaǵdaıǵa túsir­meý, – degen basqarma bas­shysy pasıentterdiń ózge adamdarmen baılanysyn azaıtý úshin úıge baryp qyzmet kórsetiletinin de jetkizdi. – Barlyq naýqas bazaǵa engiziledi. Eger olardyń birinen koronavırýs anyqtalsa, olarmen baılanysta bolǵan adamdar nazarda bolady. Olardyń úıine baryp, PTR testileýden ótkizýimiz múmkin. Bul úshin mobıldi brıgadalar quryldy. Al fıltr-kabınetke tek belgili bir sebeptermen emhanaǵa bara almaıtyndar keledi», dedi ol.

Sondaı-aq T.Muratov elorda­daǵy emdeý mekemeleriniń ekinshi tolqynǵa daıyn ekenin aıtty. Biraq bul aýrý juqtyrǵandardyń sanyna baılanysty bolatyny túsinikti. Eger qala turǵyndary men meımandary áleýmettik ara­qashyqtyqty saqtap, betperde taqpasa, naýqastardyń sany artady. Qazir qalanyń densaýlyq saqtaý júıesi 5 600 orynmen  jáne 434 О́JT apparattarymen jáne basqa da jabdyqpen qam­týǵa qaýqarly. Alaıda saq­tyq­­ty ustanyp, azamattar óz den­saý­lyǵy men mańaıyn aýrýdan saq­taımyn dep qorǵanatyn bolsa, syrqattar sany buǵan jet­peýi de múmkin.

– Biz aýrý sanyn ósirýge jol bermeýimiz kerek. Ár azamat aýyrmas úshin baryn salyp, jaýap­kershilikpen kelse, barlyq tıisti erejeni saqtasa, ekinshi tol­qynnyń bizdi aınalyp ótýi múmkin, – deıdi ol.

Búginde COVID-19 saqtyq qamyn uǵynyp, karantın qatań saqtalǵan elderde ǵana beleń almaı tur. Oǵan alysta emes, eli­mizben shekaralas Qytaı elindegi ahýal dálel.

«Bizdiń emhanada eki kirý toby bar. Balalarǵa jáne eresekterge bólek esikter qarastyrylyp, onyń árqaısysyna teplovızor­lar qoıyldy. Kire beriste adam­nyń qyzýy ólshenedi. Eger qyzý anyqtalsa, olar birden fıltr­ge jóneltiledi. Sol sııaq­ty fıltrde de 3 baǵyt boıynsha qyzmet kórsetiledi», deıdi №10 qalalyq emhananyń dırektory Gúlnar Alpysbekova.

86 myń adamǵa qyzmet kór­setetin emhanada úsh túrli, ıaǵnı ba­lalarǵa, eresekterge jáne aıaǵy aýyr áıelderge arnalǵan ka­bı­­netter qarastyrylǵan eken. Oǵan qosa PTR zertteý júr­gizý­ge ar­nal­ǵan bıomaterıal jı­naı­­­tyn qo­symsha taǵy bir ból­me bar. Pa­sıentter sany ósse, ta­ǵy eki kabınet ashylmaq, al qa­zir oǵan qajettilik joq. Em­ha­na bas­­shy­synyń aıtýynsha, qala­­daǵy ár ambýlatorlyq-em­hana­lyq uıymdarda qurylǵan mobıl­di brıgadalar osynda da ju­­mys isteıdi. Brıgadalar aýrý juq­­­tyr­ǵan naýqastardy baqy­laý­da us­taıdy, normatıv boıyn­sha árbir mobıldi brı­gada 5 myń turǵynǵa kómek kór­s­etedi. Bú­ginde emhanada 17 mo­bıldi top qu­ryl­ǵan. Budan bólek ottegi kon­sen­t­rattary, qosym­sha pýl­sok­sı­metr­ler satyp alyn­dy. Dári-dármekpen to­lyq qam­ta­­ma­syz etilgen. Qazir em­hanaǵa kú­ni­ne 40-qa jýyq adam jú­ginedi. Onyń 20-sy eresek adam bolsa, 20-sy – bala.