Aıgúl Asanbaeva 47 jasta, ol Ystyqkól oblysynyń Túp aýdanynda dúnıege kelgen. Mamandyq pen bilimi týraly ázirge málimet joq.
Sadyr Japarov pen Aıgúl kórshi aýyldarda turyp, tabıǵat aıasyndaǵy demalystardyń birinde dostary arqyly kezdesedi. Asanbaeva eske alǵandaı, ol kezde ózi 18 jasta, al Japarov 23 jasta bolǵan. Olar úsh jyldyq dostyqtan keıin shańyraq kóteripti.
Keıbir derekkózder prezıdenttiń bes balasy bar dep kórsetse, basqalarynda tórte perzenti bar delingen. Suhbattardyń birinde balalary týraly suraǵanda, Asanbaeva olardyń tórt balasy bar ekenin, biraq olar Sadyr Japarovtyń inisi men kelini jol apatynan qaıtys bolǵannan keıin olardyń ulyn ózderimen alyp ketkenin atap ótti.
Birqatar buqaralyq aqparat quraldarynyń habarlaýynsha, Asanbaeva kúıeýin "saıası qýǵyndaý" kezinde úsh jyl boıy balalarymen birge shetelde turǵan. Olardyń Reseı men Polshada turǵany týraly da derekter bar.
Asanbaeva óziniń suhbattarynyń birinde kúıeýin qyrǵyz-qazaq shekarasynda ustaý kezinde qaýipsizdik kúshteri onymen birge uly Rýstamdy da qamaýǵa alǵanyn, sodan keıin ol alty aıǵa jýyq ýaqytsha tergeý abaqtysynda otyrǵanyn aıtty. Sol sátte Asanbaeva sol kezdegi birinshi hanym Raısa Atambaevaǵa ulyn bosatý úshin kómek surapty.
"Tanystarym arqyly men birinshi hanymǵa baryp, odan kómek suradym. Biraq ol "mundaı suraqtarmen aınalyspaımyn", dep jaýap berdi... Elimizdiń birinshi hanymy bolý baqyty bárine birdeı berilmeıdi. Bul Qudaıdyń belgisi. Sondyqtan, birinshi hanym meıirimdi ári aqyldy bolý kerek", dedi Asanbaeva.
Aıta keteıik, Sadyr Japarov jazasyn ótep jatqan kezde Asanbaeva óz pikirin buqaralyq aqparat quraldary arqyly ashyq bildirip, árqashan bıliktiń ozbyrlyǵyna qarsy is-sharalarǵa qatysqan.
