Elorda • 20 Qazan, 2020

Elordada erekshe balalarǵa arnalǵan jabdyqtar shyǵarylady

Nur-Sultanda erekshe balalardy sensorlyq ıntegrasııalaýǵa arnalǵan jabdyqtar óndirisi bastalady, dep habarlaıdy Egemen.kz

Aıym DÁÝIT

"Bıznestiń jol kartasy 2025" baǵdarlamasy aıasynda Kishkentai kásipornynyń quryltaıshylary bıyl 5 mıllıon teńge grant aldy. Bul qarajat balalarǵa óz denesin sezinýge, keńistikte baǵdarlaýǵa jáne úılestirýdi jaqsartýǵa kómektesetin ónimder túrin keńeıtýge jumsalady.

"О́nimderimiz sensorlyq aqparatty qıyn qabyldaıtyn balalarǵa arnalǵan. Mysaly, kóshede artta kóliktiń júrip kele jatqanyn bile alasyz. Biraq múmkindigi shekteýli balada mundaı sezim bolmaýy múmkin, óıtkeni ol aqparatty qalypty tártippen qabyldamaıdy. Sáıkes jabdyqpen sensorlyq ıntegrasııa jattyǵýlary barlyq sezimderden sıgnaldardy uıymdastyrýǵa kómektesedi. Iаǵnı, basty mindet – balalarǵa berilgen barlyq sıgnaldardyń durys jumys jasaıtyndyǵyna, olardyń keńistikti barlap, denesin sezinýine, tepe-teńdikti saqtaýǵa úırenýi. Salystyrmaly túrde aıtqanda, balalar ózderiniń dene músheleriniń qaı jerde ekenin jáne osy nemese basqa is-áreketke qanshalyqty kúsh salý keregin bile alýy úshin. Bala óz denesin sezbese, bul onyń aqyl-oıy men emosıonaldy damýyna qatty áser etedi. Ol mazasyzdyq pen gıperaktıvtilikti arttyrady", deıdi Kishkentai kompanııasynyń quryltaıshysy Aıgúl Mustafına.

Sensorlyq gamaktar men shulyqtar, sondaı-aq salmaqty jıletter men kórpeler balalardyń sensorlyq qabyldaýyn jaqsartýǵa kómektesedi. Kásiporyn qazirdiń ózinde bul ónimdi shyǵaryp jatyr. Biraq elde basqa ónimderge degen qajettilik bar.

"Biz bul salada eki jyldan beri jumys istep kelemiz. Ata-analar bizben baılanysa bastady jáne bizde joq balalar sensorlyq júıesin damytýǵa arnalǵan basqa jabdyqtar surady. Biz naryqty zertteı bastadyq, eń jaqyn óndiris Reseıde, Ýkraınada jáne t.s.s. Mundaı jabdyqtar respýblıkanyń esh jerinde óndirilmeıtindigin jáne suranystyń joǵary ekendigin eskere otyryp, biz óndiris jelisin keńeıtý týraly sheshim qabyldadyq. Osylaısha "Bıznestiń jol kartasy 2025" baǵdarlamasy boıynsha granttar konkýrsyna qatysýǵa ótinish berdik", deıdi Aıgúl Mustafına.

Granttyń kómegimen kásipker sensorlyq-dınamıkalyq keshender óndirisin uıymdastyrýdy josparlap otyr, olar ártúrli konfıgýrasııadaǵy átkenshekterden, "qushaqtaıtyn" mashınalardan, sensorlyq trekterden, tepe-teńdik taqtalarynan turady. Sonymen qatar, kásiporyn munymen shektelip qalmaq emes jáne jeke tapsyrystardy oryndaýǵa daıyn.

Kishkentai óz ónimderin elimizdiń barlyq aımaqtaryna, túzetý ortalyqtaryna da, erekshe balalardyń ata-analaryna da jetkizbek.
Esterińizge sala keteıik, Nur-Sultanda ótken "Bıznestiń jol kartasy 2025" baıqaýynyń qorytyndysy boıynsha 57 grant ıegeri anyqtaldy.

Qazaqstanda "Bıznestiń jol kartasy" baǵdarlamasy 2010 jyldan beri jumys isteıdi. Jergilikti atqarýshy organdar bıznesti granttarmen jáne ınfraqurylymdyq kómekpen qoldaıdy. Grant alýǵa arnalǵan kásipkerler de, óz bıznesin ashqysy keletin qazaqstandyqtar da, onyń ishinde áıelder, múmkindigi shekteýli adamdar jáne 50 jastan asqan adamdar qatysa alady.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz