Halyqtyń belgilengen sanıtarlyq normalardy saqtaýyn baqylaý úshin oblysta 19 qala men aýdan boıynsha 46 monıtorıngtik top quryldy. Olardyń quramyna taýarlar men kórsetiletin qyzmetterdiń sapasy men qaýipsizdigin baqylaý basqarmalarynyń mamandary, jergilikti quqyq qorǵaý jáne atqarýshy organdardyń, sondaı-aq "Atameken" UKP qyzmetkerleri kirdi.
1 qazannan bastap monıtorıngtik toptardyń jumysy kúsheıtilip, Shyǵys Qazaqstan oblysynyń ákimdigi, ShQO polısııa departamenti jáne taýarlar men kórsetiletin qyzmetterdiń sapasy men qaýipsizdigin baqylaý departamentimen kelisilgen qazan aıyna jumys kestesi ázirlendi.
1-18 qazan aralyǵynda oblys boıynsha 5123 nysan qamtylǵan 412 reıd júrgizildi. Onyń ishinde 78 reıd qoǵamdyq kólikter jáne kólikti dezınfeksııalaý pýnktteri boıynsha uıymdasyryldy.
Anyqtalǵan sanıtarlyq ereje talaptary boıynsha 90 aıyppul salyndy. Monıtorıngtik toptyń jumysy jalǵasýda.
