Kórsetilgen qylmystardy jasaǵany úshin úsh adam qylmystyq jaýapkershilikke tartyldy.
“Ashylǵan qylmystardy taldaý qylmystardyń materıaldyq-paıdakúnemdik sıpatqa ıe ekendigin kórsetedi, quqyq buzýshy jábirlenýshiniń memlekettik tirkeý nómirlik belgisin alyp ketip, avtokólik ıesine aldyn ala daıyndalǵan esepshotyna aqsha salýdy talap etip, onyń ornyna urlanǵan nómirdi jasyrǵan jerin kórsetetinin jazyp hat qaldyrady. Bul quqyq buzýshylyq QR QK-niń 190-babymen kózdelgen qylmys retinde dárejelenedi, óıtkeni qol suǵýshylyqtyń máni – avtokólik ıeleriniń quqyq buzýshylardyń esepshottaryna salatyn aqshasy bolyp tabylady, al memlekettik belgilerdiń ózi qylmystyq qol suǵýshylyqtyń obektisi retinde qarastyrylmaıdy, óıtkeni olar memleketke tıesili jáne azamattarǵa, avtokólik ıelerine ýaqytsha paıdalanýǵa beriledi”, dedi Almaty qalasynyń PD Krımınaldyq polısııa basqarmasynyń bastyǵy Erkin Ińkárov.
777, GGG jáne t.b. sııaqty resmı túrde birdeı áriptik belgilermen nemese sandar tizbegimen ornalastyrylǵan, aqyly negizde satyp alynyp, tirkelgen memlekettik tirkeý belgilerin urlaý basqasha saralanady.
“Mundaı qylmystar QR QK-niń 188- baby 1-bóligi, ıaǵnı bótenniń múlkin urlaý retinde tanylady, mundaı urlyqtyń jyl basynan beri bir faktisi tirkelgen. Kúdikti anyqtaldy. Sonymen qatar biz azamattardy qaskúnemderdiń jetegine ermeýge jáne dereý “102” pýltine habar berýge shaqyramyz”, dedi ol.
