QR IIM baspasóz qyzmetiniń málimetinshe, О́zindik qaýipsizdik basqarmasynyń mamandary tekserý kezinde kúdiktiler esirtki jınap, keıin satý úshin Qumózek aýylyna shyǵatynyn anyqtaıdy.
Alaıda kúdiktiler otyrǵan kóliktegi júrgizýshi arnaıy bólimsheniń qyzmetkerin ádeıi qaǵyp ótedi jáne ol aýyr jaraqat alady. Qarýlanǵan kúdiktiler jyldamdyqty asyryp, qashýǵa tyrysqan. Kólikte úsh adam bolǵan.
Olar polıseılerdiń eskertý úshin atqan oǵyn elemegen. Sodan soń polıseıler kólikke oq atqan. Kúdiktilerdiń ekeýi jaraqat aldy. Bireýi aýrýhanada qaıtys bolady, ekinshisine stasıonarda kómek kórsetilgen, úshinshisi ustaldy jáne ýaqytsha ustaý ızolıatoryna qamalǵan.
"Qylmystyq kodekstiń 297, 345, 362-baptary boıynsha sotqa deıingi tergeý júrip jatyr. Tergeý múddesine baılanysty basqa aqparatty jarııalaýǵa bolmaıdy", - dedi IIM baspasóz qyzmetindegiler.
Tengrinews.kz redaksııasyna paıdalanýshylardyń biri kúdiktiler otyrǵan kóliktiń jáne kúdikti bolǵan polıseılerdiń aty-jóni jazylǵan qujattyń fotosyn joldady.
