Aımaqtar • 20 Qazan, 2020

Halyqaralyq Túrki álemi zertteýleri sımpozıýmy bastaldy

47 ret kórsetildi

Búgin túrki álemi ǵylymy, ádebıeti men mádenıetiniń keńeıýine yqpal etýdi kózdeıtin Halyqaralyq Túrki álemi zertteýleri sımpozıýmy bastaldy. Osymen jetinshi jyl qatarynan uıymdastyrylyp kele jatqan basqosýdyń ashylý rásimi Qazaq ulttyq qyzdar pedagogıkalyq ýnıversıtetiniń YouTube jelisindegi resmı arnasynda ótti, dep habarlaıdy Egemen.kz atalǵan oqý ornynyń baspasóz qyzmetine silteme jasap.

Bıylǵy shara "Ortaq túrki tarıhynyń jazylýy" taqyrybyna arnalyp otyr. Úsh kúnge jalǵasatyn jıynǵa Qazaqstan, Túrkııa, Ázerbaıjan jáne Bashqurtstannyń joǵary oqý oryndary men ǵylymı zertteý uıymdarynyń ǵalymdary qatysady.

Túrkııanyń Nııde О́mer Halısdemır ýnıversıtetiniń rektory Mýhsın Kar "jahandaný úderisindegi túrki jurtynyń damýy úshin ne istelý kerek jəne oǵan kedergi bolatyn qandaı sebepter bar?" degen mańyzdy saýal tóńireginde paıymdy pikirin bildirdi.

– Túrki əlemin zertteý – rýhanı brend. Jahandyq kúrestiń ortasynda turǵan túrki halyqtarynyń múddelerin ortaqtastyrý arqyly birligi men tynyshtyǵyn saqtap, yntymaqtastyǵyn ərtaraptandyra otyryp nyǵaıýyn, tarıhtaǵy túrki halyqtaryna jasalǵan zulymdyqtyń, qyrǵyn men mədenı genosıdterdi paıdalanbaýyn qamtamasyz etýimiz kerek. Myń pikirden góri ortaqtasyp sheshken bir pikir artyq. Aqparat týdyratyn, sol týdyrǵan aqparatty ónimge aınaldyra biletin, jahandyq bir kúshke ıe bola alatyn belsendi kúshke aınalý úshin umtylýdamyz, – dedi Mýhsın Kar.

Al Ázerbaıjannyń Baký Eýrazııa ýnıversıtetiniń rektory Nazym Hıýseınlı  túrki əlemine shamshyraq bolý úshin jumyla jumys istep júrgen baýyrlas halyqtardyń barshasy jetinshi sımpozıýmda da tyń usynys, qundy pikir men jańa ǵylymı tujyrymdamalar jasalatynyna senim bildirdi.

– Sımpozıým jumysy "Ál-Farabı", "Abaı", "Ismaıl Gaspraly", "Ahmet Baıtursynuly", "Mustafa Shoqaı", "Fızýlı", "Shyńǵys Aıtmatov", "Ahmed Djevad", "Álisher Naýaı", "Karabah", "Zııa Gıokalp", "Shahrııar", "Erkın Vahıdov", "Zákı Valıdov (Toǵan)", "Gıandjevı", "Omer Seıfeddın" jáne "Molla Panah Vagıf" seksııalary boıynsha júrgizilmek, – deıdi Qyzdar ýnıversıtetiniń baspasóz qyzmetiniń jetekshisi Jandar Asan.

Ashylý rásiminde dástúrli jıynnyń ótýine uıytqy bolǵan atalǵan memleketterdegi joǵary oqý oryndarynyń rektorlary quttyqtaý joldap, sımpozıým jumysyna sáttilik tiledi.

Qazaq ulttyq qyzdar pedagogıkalyq ýnıversıtetiniń rektory Gaýhar Aldambergenova alqaly basqosýdyń túbi bir túrik halyqtarynyń yntymaqtastyǵyn damytýǵa tyń serpin berip otyrǵanyn aıtty.

– Túrki dúnıesine ortaq qundylyqtyń biri de biregeıi – ǵylym. Baýyrlas elderdiń tól tarıhyna úńiler bolsaq, túrki áleminen shyqqan ǵalymdar álemdik ǵylymnyń shamshyraǵyn jaǵyp, jahandyq órkenıettiń óristeýine eleýli úles qosty. Bir bul ǵana emes. Túrki dúnıesi álemdik óner men mádenıettiń jáne saýdanyń qaryshty damyp, gúldenýine jol ashty. Búginde babadan balaǵa jalǵasyp kele jatqan altyn arqaýdy úzbeý maqsatynda jáne tegi bir, tamyry ortaq týystas halyqtardyń ǵylymdaǵy ózara yntymaqtastyǵyn odan ármen nyǵaıtý oraıynda Halyqaralyq Túrki álemi zertteýleri sımpozıýmy ótkizilip keledi. Túrkııanyń Nııde О́mer Halısdemır ýnıversıtetinen bastaý alǵan taǵylym alarlyq alqaly jıynnyń jyl ótken saıyn aýqymy keńeıýde. Aǵartýshy Ismaıl Gasprınskııdiń "Tilde, pikirde, iste – birlik" degen ulaǵatqa aınalǵan sóziniń ómirsheńdigi aıqyn dáleldenýde, – dedi Gaýhar Aldambergenova.

Sımpozıýmnyń ashylý rásiminiń sońy joǵary oqý oryndary ónerpazdarynyń onlaın konsertine ulasty.

Sońǵy jańalyqtar

«Qyzyl» aımaqqa taǵy eki oblys qosyldy

Qazaqstan • Búgin, 12:17

Pnevmonııadan eki adam qaıtys boldy

Koronavırýs • Búgin, 10:00

Aqtóbede bala sýǵa batyp ketti

Aımaqtar • Búgin, 09:30

Elbasy Altaı Kólginovty qabyldady

Elbasy • 14 Mamyr, 2021

Shý aýdanynda 1,5 myń jumys orny ashylady

Aımaqtar • 14 Mamyr, 2021

Araq satylmaıtyn aýdan

Aımaqtar • 14 Mamyr, 2021

Shýchede jańa sport kesheni salynady

Aımaqtar • 14 Mamyr, 2021

Uqsas jańalyqtar