Ekologııa • 21 Qazan, 2020

Kaspıı teńizin qorǵaýdyń ózekti máseleleri

183 ret kórsetildi

Kaspıı teńizi kútimdi, kóńil aýdarýdy qajet etedi. Sý aıdynynyń tazalyǵy – jaǵalaýyndaǵy memlekettterdiń ekonomıkalyq qýatynyń tiregi ári mádenıetiniń kórsetkishi bolmaq.

2003 jyly 4 qarashada Iran Islam Respýblıkasynyń astanasy Tegeran qalasynda Kaspıı te­ńizi­niń aınalasynda ómir súretin bes memlekettiń ókiletti ókilderi Kas­pıı teńiziniń teńiz ortasyn qor­ǵaý jónindegi Negizdik (Tegeran) kon­vensııaǵa qol qoıdy. Osy Negizdik (Tegeran) konvensııasy 2006 jyly 12 tamyzda kúshine endi. Konvensııa ne­gizinde qoǵamnyń nazaryn Kaspıı teńiziniń názik qorshaǵan ortasyn qorǵaý máselesine aýdarý maqsatynda 12 tamyzdy «Kaspıı kúni» dep jarııalady. Osy sheshim negizinde «Kaspıı kúni» 2008 jyldan bastap barlyq bes memlekette jyl saıyn «Kaspııdi saqtaıyq!» degen taqyryppen ótip keledi. Bıyl «Kaspıı kúni» qyrkúıek jáne qazan aılary aralyǵynda ótýde.

Shara teńiz jaǵalaýyndaǵy Aq­taý qalasynda da ataýsyz qalǵan joq. Mań­ǵystaý oblysynyń ákimdigi Tegeran konvensııasynyń Hatshylyǵymen, Qazaq­stan Respýblıkasynyń Ekolo­gııa, geologııa jáne tabıǵı resýrs­tar mınıstrligimen, sondaı-aq «Sý basta­malary ortalyǵy» Qoǵamdyq qory­men birlesip  «Zoom» platformasy arqyly «Kaspıı kúni – 2020» merekesi aıasynda «Kaspıı teńi­ziniń ortasyn qorǵaýdyń ózekti máse­leleri jáne olardy sheshý joldary» taqyrybynda dóńgelek ústel uıym­dastyrdy.

Mańǵystaý oblysynyń tabıǵı resýrstar jáne tabıǵat paıdalanýdy retteý basqarmasynyń basshysy D.Qusbekov, QR Ekologııa, geolo­gııa jáne tabıǵı resýrstar mınıstr­liginiń Halyqaralyq ynty­maq­tastyq departamenti dırekto­rynyń orynbasary B.Kereı, Qazaq­standaǵy Tege­ran konvensııasymen ózara baılanys jónindegi ulttyq qyzmetker, Halyq­aralyq sýdy baǵalaý ortaly­ǵynyń dırektory S.Ahmetov, eko-ambassador Á.Qozybaqov, oblystyq ekologııa departamenti jáne ózge de múddeli taraptar qatysqan basqosýda Kaspıı teńiziniń teńiz ortasyn qor­ǵaý boıynsha Mańǵystaý oblysyn­da ótkiziletin sharalar, Kaspıı teńi­zi­niń qazaqstandyq sektorynda brakonerlikpen kúresý júrgizý, Kas­pıı aımaǵynda teńiz qoqysymen kúres jónindegi is-sharalar jospary, Kaspıı teńiziniń qazaqstandyq bóligi men onyń jaǵalaý aımaǵynyń ekojúıesin qorǵaý jónindegi óner­­kásiptik kásiporyndarmen qa­byl­daǵan sharalar, «Itbalyqty birge qor­ǵaıyq!» taqyrybyndaǵy balalar sý­reti baıqaýynyń qorytyndysy jáne taǵy basqa ózekti máseleler aıtyldy.

Sharany Mańǵystaý oblystyq tabıǵı resýrstar jáne tabıǵat paıdalanýdy retteý basqarmasynda ótken dóńgelek ústel barysynda eko-ambassador Á.Qozybaqov, Kaspıı ıtbalyǵyn ońaltý ortalyǵynyń veterınar dárigeri A.Prostetova jáne Mańǵystaý oblysy sýasty ań­shylar federasııasynyń ókilderi J.Meńdiǵalın jáne E.Hvan QR Eko­logııa, geologııa jáne tabıǵı resýrstar mınıstrligi men Mańǵystaý oblysynyń ákimdigine ekologııa­lyq ahýaldy jaqsartý bo­ıynsha ózderiniń usynystaryn jetkizdi.

Olardyń qatarynda teńiz astyn qoqystan tazartý, bekire balyqtar, ıtbalyqtar jáne taǵy basqa teńiz janýarlaryna tónetin qaýiptiń aldyn-alý, brakonerlikpen kúres, senbi­likter ótkizý, úgit-nasıhat jumys­taryn júrgizý, turǵyndardy, ásirese jastardy Kaspıı teńizin qorǵaý baǵytyndaǵy sharalarǵa belsendi tartý máseleleri aıtyldy. 

«Kaspıı kúni» aıasynda teńiz­diń múddesi men quqyn qorǵap aı­tyl­ǵan pikirler men usynystar aza­mattardyń teńiz taǵdyryna beıjaı qaraı almaı­tyn­dyǵyn ańǵartty.

 

Mańǵystaý oblysy

 

Sońǵy jańalyqtar

Qazaqstanda urlyq sany eki esege azaıdy

Qazaqstan • Búgin, 17:15

Kann festıvali jazǵa shegerildi

О́ner • Búgin, 16:42

Prezıdent Alık Shpekbaevty qabyldady

Prezıdent • Búgin, 16:02

Uqsas jańalyqtar