Onyń ishinde 3 az qamtylǵan otbasy múshesi, 10 kóp balaly ana, 21 jas kásipkerler, 5 múmkindigi shekteýli jandarǵa bólindi. Naqtyraq aıtqanda, qus jáne mal sharýashylyǵy, dánekerleý isi, naýbaıhana, kondıterlik ónim, kólik qaptamalaryn tigý, tońazytqyshtardy jóndeý, kompıýterlik qyzmet kórsetý, sulýlyq salony, shashtaraz, tigin salalaryna grant bólindi, dedi Rımma Jaqsylyq.
Bızneske josparyn usynyp grantqa ıe bolǵandardyń biri - ekinshi toptaǵy múgedek Mýradýllaev Dııas Nurbekuly. Ol ınkýbator arqyly balapan ósirýdi qolǵa aldy.
-«Bastaý-Bıznes» baǵdarlamasy aıasynda oqý kýrsyn oqyp, ózimniń bıznes josparymdy usyndym. Nátıjesinde, «Eńbek» memlekettik baǵdarlamasy aıasynda jańa bıznes jobalardy iske asyrý boıynsha memlekettik grantqa qol jetkizdim. Alǵashqy talabymdy shaǵyn kásipten bastap, ınkýbator arqyly balapan ósirýdi qolǵa aldym. Odan soń qyzýshylyǵym artyp, taýyq túrin satyp aldym. Búginde taýyq kóbeıýde, jumyrtqalarǵa suranys kóp. Memlekettik baǵdarlamalar arqyly kásibimdi dóńgeletip otyrmyn», - dedi ol.
Mańǵystaý oblysy
