Medısına • 21 Qazan, 2020

Elimizge avtokólikpen kirgen 122 adamnan vırýs anyqtaldy

83 ret kórsetildi

Elimizge avtokólikpen kirgen 122 adamnan vırýs anyqtaldy. Bul týraly Densaýlyq saqtaý mınıstrliginiń Sanıtarlyq-epıdemııalyq baqylaý komıtetiniń tóraıymy Aıjan Esmaǵambetova málimet berdi, dep habarlaıdy Egemen.kz

"О́zderińiz biletindeı, Bas memlekettik sanıtarııalyq dárigerdiń qaýlysyna sáıkes 6 qazannan bastap Qazaqstannyń memlekettik shekaralarynda sanıtarlyq-karantındik baqylaý jumystary kúsheıtildi. Bul – áýe men avtokólik qozǵalysy boıynsha shekteý. Osylaısha búginge deıin 73 591 azamat (qazaqstandyq jáne sheteldik azamattar) avtokólikti ótkizý beketteri arqyly ótti. Olardyń ishindegi jolaýshylar – 21 279 adam. PTR-anyqtamasy joq azamattar eki kúndik karantınge jatqyzyldy. Ondaı sanattaǵy jolaýshylardyń sany – 5967 adam boldy. Olardyń ishinde 122 adamnan koronavırýs anyqtaldy", dedi Aıjan Esmaǵambetova OKQ-da ótken baspasóz máslıhatynda.

Komıtet basshysy sonymen qatar halyqaralyq áýe reısteri arqyly Qazaqstanǵa 34 446 jolaýshy kelgenin, olardyń ishinde PTR-anyqtamasy joq 5 925 adam karantındik stasıonarǵa jatqyzylǵanyn aıtty.

"Solardyń ishinde 19 adamnyń boıynan koronavırýs anyqtaldy. Koronavırýs juqtyrǵan azamattar Túrkııa, BAÁ, Belarýs, Reseı, Mysyr elinen kelgender", dedi ol.

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar