Dári-dármektiń turaqtandyrý qoryna qatysatyn 100-den astam dárihana belgilengen. Olardyń qoımasynda 32 túrli dári qory saqtalady. Bul maqsatqa jergilikti bıýdjetten 317 mıllıon teńge bólingen. Qarjy operatorlarǵa beriledi. Olar óz kezeginde osy qarjyǵa alynǵan dárini dárihanalar júıesine jetkizetin bolady. О́ńirdegi monıtorıngtik toptar dári-dármektiń belgilengen shektik baǵadan aspaı satylýyn qadaǵalaıdy.
Oblystaǵy medısınalyq uıymdarda COVID-19 indetine qarsy eki aılyq dárilik zattar jáne medısınalyq buıymdar qory qalyptasty. Jalpy oblys aýmaǵynda 557 bólshek saýda dárihanalary qyzmet atqarady. Onyń 238-men ózara árekettesý týraly Memorandýmǵa qol qoıyldy.
Ottegi stansııasynyń sany 2 ese artty. Jańadan qosymsha 4 stansııa ornatylyp, jalpy sany 8-ge jetti. Sondaı-aq 80 birlik oksıgenasııa apparaty (HI-FLOW) satyp alyndy.
Oblystyq bıýdjet esebinen 1 jańa kompıýterlik tomograf pen 3 sandyq rentgen apparattary ornatyldy. PTR zerthanalarynyń sany 3 birlikten 9 birlikke deıin ósti. Sonymen qatar, 12 birlik jyljymaly medısınalyq keshen jıyntyǵy satyp alyndy. Nátıjesinde jyljymaly medısınalyq keshenmen aýdandardy qamtamasyz etý kórsetkishi 100%-dy quraıtyn bolady.
Jedel-járdem qyzmetine 122 avtokólik satyp alý josparlanýda. Bul avtokólikter jedel-járdem qyzmeti parkin 96%-ǵa jańartýǵa múmkindik beredi.
