Kólik nómirin urlaý kóbeıgen

Almaty  qalasynyń aýmaǵyn­da jyl basynan beri kólikterdiń mem­leket­tik nómirlerin urlaý­dyń 21 faktisi tirkelipti. Ási­rese, áleý­mettik jelini ashyp qalsańyz, biz aıtyp otyrǵan má­se­lege qatysty jaz­balardy kóp­­tep kezdestiresiz. Keıbir je­li qoldanýshylary mun­daı jaǵ­daıdy óz basynan bir­neshe márte ótkergenin jazsa, en­di bireý­ler oqıǵa ornynan beı­­­ne­­jaz­ba qaldyryp, tártip saq­shy­laryna muńyn shaqqan. Maman sózine súıensek, kóptegen kólik júrgizýshilerin ábigerge salǵan keleńsiz oqıǵa shaharda bylaısha óris alyp otyrǵan.

– Bul qylmystar materıaldyq-paıdakúnemdik sıpatqa ıe. Qu­qyq buzýshy jábirlenýshiniń memle­kettik tirkeý nómirlik belgisin alyp ketip, avtokólik ıesine aldyn ala daıyndalǵan esepshotyna aqsha salýdy talap etedi. Aqsha túsken soń, urlanǵan nómirdi ja­­syr­ǵan jerin kórsetetinin jazyp, hat qaldyrady. Bul quqyq buzýshylyq boıynsha QR QK-niń 190-babyna sáıkes qylmystyq is qozǵalady. Jyl basynan beri mundaı urlyqtyń birneshe fak­tisi tirkelgen. Kúdikti anyq­tal­dy. Sonymen qatar biz aza­mat­­tardy qaskúnemderdiń jete­gine ermeýge jáne dereý «102» pýltine habar berýge shaqyra­myz, – deıdi Almaty qalasynyń PD Krı­mınaldyq polısııa basqar­masynyń bastyǵy Erkin Ińkárov.

Kólik sanynyń kóptiginen kósh bastap turǵan megapolıste mundaı oqıǵa jyl saıyn tirkelip otyrady.  Almaty qalalyq Polı­sııa departamenti baspasóz qyzmetiniń málimetinshe, tirkelgen 21 ur­lyq­tyń 20-sy áshkerelengen. Atal­mysh oqıǵa boıynsha úsh adam qyl­mystyq jaýapkershilikke tar­tylypty. Nómirdi qaıta rásim­deýdiń mashaqatynan qashqan júr­gizýshiler alaıaqtardyń arbaýyna kónip, aıtqan aqshasyn amalsyz aýdarǵan jaǵdaılar da jeterlik. Azamattardy abaı bolýǵa úndegen  mamandar, kólik nómirin qosymsha bekitkishtermen ustatyp, túngi ýaqyttarda qaltarys oryndarda qaldyrmaýǵa shaqyrdy.

ALMATY