Qoǵam • 22 Qazan, 2020

Jumysynan aırylǵan 70 myńnan astam adam MÁSQ-tan tólem aldy

12 ret kórsetildi

Jyl basynan beri jumysynan aıyrylǵan jaǵdaıda Memlekettik áleýmettik saqtandyrý qorynan (budan ári – MÁSQ) áleýmettik tólem alýshylardyń sany 70,6 myń adamdy qurady, bul rette 9 374 azamatqa tólem aǵymdaǵy jyldyń qyrkúıeginde taǵaıyndaldy, dep habarlaıdy Egemen.kz.

Qoldanystaǵy zańnamaǵa sáıkes jumystan bosatylǵan qyzmetkerler mindetti áleýmettik saqtandyrý júıesine qatysý ótiline jáne sońǵy 24 aıdaǵy tabysyna baılanysty 1 aıdan 6 aıǵa deıin jumysynan aırylýy boıynsha áleýmettik tólemder alady. Tólem joǵalǵan kiristiń 40%-yna deıingi mólsherde MÁSQ qarajaty esebinen júzege asyrylady.

Tólem taǵaıyndaý úshin jumystan bosatylǵan qyzmetkerge:

-        Egov.kz portalynda avtorızasııalaný;

-   "Jumysqa ornalastyrý jáne jumyspen qamtý" bóliminde "Jumys izdeýshi adamdardy  tirkeý" qyzmetin tańdaý;

-       Onlaın-qyzmetke tapsyrys berip, barlyq joldardy toltyrý jáne oǵan ESQ-men qol qoıyp, ótinimdi jiberý qajet;

-      Bir kún ishinde turǵylyqty jerińizdegi halyqty jumyspen qamtý ortalyǵy (budan ári – HJQO) bos jumys oryndaryn usynady;

-       Eger jumys tabylmasa, 3 jumys kúni ishinde qashyqtyqtan jumyssyz mártebesi beriletin bolady (qajet bolǵan jaǵdaıda qosymsha aqparat jınaý úshin sizge HJQO qyzmetkeri habarlasady);

Jumyssyz retinde tirkelý týraly málimetter bolǵan kezde Eńbekmıniniń aqparattyq júıesi proaktıvti formatta MÁSQ-tan tólemdi taǵaıyndaý boıynsha qyzmet kórsetýge kelisý úshin mobıldi telefonǵa SMS-habarlama jiberedi. Kelisken jaǵdaıda SMS-habarlamaǵa jaýap berý qajet. Tólem avtomatty túrde taǵaıyndalady.

Esterińizge sala keteıik, MÁSQ qarajaty esebinen jumysynan aıyrylǵan jaǵdaıda tólenetin áleýmettik tólem jumystan shyǵý sebepterine qaramastan júzege asyrylady jáne jumyssyz adam jumys izdegen kezeńde ony qoldaýǵa arnalǵan.

Sońǵy jańalyqtar

Kelisimde keleshek bar

Qoǵam • Keshe

Teńiz túısigi

О́ner • Keshe

Ańshylyq – asyl óner

Rýhanııat • Keshe

Uqsas jańalyqtar