Qoǵam • 22 Qazan, 2020

Ulttyq keńes aıasynda jarııalanǵan saıası reformalar paketi tolyq iske asty - Erlan Qarın

21 ret kórsetildi

Prezıdenttiń kómekshisi Erlan Qarın Ulttyq keńestiń aıasynda atqarylǵan jumystar týraly aıtyp berdi, dep habarlaıdy Egemen.kz.

"Mamyr aıynda ótken Ulttyq keńestiń úshinshi otyrysynan keıin keńes aıasynda birneshe baǵytta aýqymdy jumys júrgizildi. Eń aldymen hatshylyq tarapynan Memleket basshysynyń Ulttyq keńestiń sheńberinde aıtylǵan bastamalaryn tıisti túrde júzege asyrý baqylaýǵa alyndy. Atap aıtqanda, ekinshi otyrysta jarııalanǵan saıası-ekonomıkalyq, áleýmettik reformalar paketterin júzege asyrylýy erekshe nazarǵa alyndy. Búginde Ulttyq keńestiń aıasynda jarııalanǵan saıası reformalar paketi tolyq iske asyp, mamyr-maýsym aılarynda jeti zań qabyldanǵan bolatyn", dedi E.Qarın.

Onyń aıtýynsha, bul zańdar kóp partııaly júıeniń damýyna, saıası partııalar mártebesiniń artýyna, jastar men áıelderdiń ókiletti bılik organdaryna belsendi tartylýyna, adam quqyǵyn qorǵaýǵa septigin tıgizedi.

"Sondaı-aq qazirgi ýaqytta hatshylyq ekonomıkalyq, áleýmettik reformalar paketiniń júzege asyrylýyn baqylaýda ustaýda. Máselen, ústimizdegi jyldyń 2 qazanynda Senatqa Qazaqstan Respýblıkasynyń zańnamasyna sáıkes, paıdalanylmaıtyn aýyl sharýashylyǵy maqsatyndaǵy jerge jer salyǵynyń bazalyq mólsherlemelerin 10-nan 20 ese ulǵaıtýdy qarastyratyn zań jobasy qaraýǵa engizildi. Sondaı-aq aýyl sharaýshylyǵy jerlerin paıdalanbaý merzimin májbúrlep qaıtarý úshin eki jyldan bir jylǵa qysqartý normasyn qamtıtyn zań jobasy jyl sońyna deıin Májilis qaraýyna ótkizilýi josparlanyp tur", - dedi ol.

 

Sońǵy jańalyqtar

Kabýlda jarylys boldy

Oqıǵa • Keshe

Almatyda baqylaý kúsheıtildi

Koronavırýs • Keshe

Tiliksiz ota jasaldy

Medısına • Keshe

Uqsas jańalyqtar