Indýstrııa jáne ınfraqurylymdyq damý mınıstrligi Avtomobıl joldary komıtetiniń Jol aktıvteriniń ulttyq sapa ortalyǵy bıyl 9 aıda júrgizilgen jumystyń qorytyndysyn shyǵardy.
Ortalyq respýblıkalyq tasjoldarǵa quraldyq monıtorıng júrgizip, jaǵdaıyna baǵa berý baǵytynda qyrýar jumys atqarǵan. Jospar boıynsha zamanaýı tehnıkamen jabdyqtalǵan kóshpeli zerthanalar jyl sońyna deıin respýblıkalyq avtojoldardyń 16,5 myń shaqyrymyn tekserýi qajet. Búginde 10 myń shaqyrymy zerttelgen. Elimizde mundaı aýqymdy jumystar táýelsizdik jyldarynda alǵash ret júrgizilip jatyr eken.
Aıta ketý kerek, zerttelgen 10 myń shaqyrym joldyń 78%-y tegistik ındeksine sáıkes keledi. Ol jol jamylǵysynyń kúıin kólik quraly qozǵalysynyń birqalyptylyǵyna sáıkes sıpattaıdy.
Budan bólek, 9 aıda Ortalyq 20 myńnan astam úlgini tańdap, synap kórgen. Olardyń 4 myńy nemese 25%-y normalarǵa sáıkes kelmeıtini anyqtaldy. Sondaı-aq 7,5 myń zańbuzýshylyq belgili bolǵan. Anyqtalǵan olqylyqtardyń 88%-y merdiger uıymdarmen túzetildi.
