Qazaq ulttyq qyzdar pedagogıkalyq ýnıversıteti uıytqy bolǵan shara onlaın rejimde uıymdastyrylmaq. О́skeleń urpaqty otansúıgishtikke tárbıelep, olardyń tanym-talǵamyn ult rýhanııatyna baǵyttaýdy kózdeıtin sóz zergerleriniń saıysy ulttyń ulylyǵyn ulyqtap, tól mádenıetimizdiń mereıin arttyrýǵa sep bolmaq.
Aıtys barysynda aqyndar "Abaı – dana, Abaı – dara", "Rýhanı jańǵyrý – basty baǵdar", "Týǵan jer – turǵan jermen ólshenbeıdi", "Ana tilim – ardaǵym", "Táýelsizdik – tuǵyrym" taqyryptary boıynsha sóz jarystyrady.
"Baıtaǵy – syrǵa, kómeıi – jyrǵa tunǵan Uly dalanyń tósinde san ǵasyrlar boıytól rýhanııatymyzdyń sarqylmas qazynasyna aınalǵan qundylyqtar qalyptasty. Ulttyq bolmysymyz ben aıqyn nyshanymyzǵa aınalǵan dara dástúrimiz paıda boldy. Babadan balaǵa mırasqa aınalǵan mádenı muralarymyz eksheldi. Sonyń biri – aıtys óneri. Aıtys – dáýirlermen qanattasyp, ǵasyrlarmen úndesip, zamanalarmen tildesip kele jatqan uly óner. Aıtys – qazaqtyń qanyna sińgen bekzat ıakı biregeı dúnıe. Bul óner – dala fılosofııasymen sabaqtasyp, qanattasyp jatqan mádenı muralarymyzdyń biri hám biregeıi retinde ult qazynasynyń qataryna endi", deıdi Qyzdar ýnıversıtetiniń Baspasóz jáne qoǵammen baılanys bóliminiń jetekshisi Jandar Asan.
Aıta keteıik, hákim mereıtoıyna arnalǵan óner jarysynyń maqsaty – jas aqyndardyń órnekti sózderi men óreli óneri arqyly el muraty men qundylyqtaryn nasıhattaý, Abaı muralary arqyly ult ádebıetiniń tabystaryn jáne táýelsizdik jyldary qol jetken jetistikterdi dáripteý.
