Kásiporyn shyǵaratyn ónimder medısınanyń ártúrli salalarynda qoldanylady jáne sapa men qaýipsizdiktiń barlyq zamanaýı talaptaryna jaýap beredi.
Qazirgi ýaqytta Mega Pharma ónimderiniń suryptalymynda 80-nen astam ataý bar, olardyń 23 ataýy jeke óndiris bolyp tabylady. Barlyq ónimder tirkelgen jáne qajetti ruqsat qujattary bar.
Qazirgi kezde epıdemııalyq qaýipsizdikti qamtamasyz etýdiń mańyzdy joly betperde taǵyp júrý. Betperde ózińizdi jáne basqa da otandastaryńyzdy jedel respıratorlyq ınfeksııa qaýpinen qorǵaýǵa kómektesedi. Mega Pharma kompanııasy ıkemdi muryn bekitkishi bar 3 qabatty medısınalyq betperdelerdi usynady. Bul betperdelerdiń mańyzdy ereksheligi mıkroorganızmderge qarsy tosqaýyl qasıetteri bolyp tabylady. Olar rezeńke jolaqtarmen nemese baılamdarmen "Spanbond" toqyma emes materıalynan jasalǵan. Ortasha súzgi qabaty (meltblaýn) 98% deıin qosymsha súzýdi qamtamasyz etedi. Paıdalanýǵa yńǵaıly, allergııalyq reaksııalar týǵyzbaıdy, sonymen qatar suıyqtyqtyń enýine tózimdi. О́ndiristik qýaty táýligine 100 myńǵa deıin betperdeni quraıdy.
Sonymen qatar, nıtrıldi qolǵaptar úlken suranysqa ıe. Arnaıy medısınalyq qolǵaptar qoldy bilekke deıin jabady jáne anatomııalyq túrde eki qolǵa da jasalady. Mundaı qolǵaptar materıaldyń durys qurylymyna baılanysty barynsha sozylǵan jaǵdaıda da jyrtylmaıdy. Qolǵaptyń manjetteriniń shetterinde rolıkter tyǵyz otyrady jáne syrǵyp ketpeıdi. Tegis ishki polımer jabyny qurǵaq nemese dymqyl jaǵdaıda kııýdi jaqsartady.
Sondaı-aq, otandyq kásiporyn jańa týǵan nárestelerge jáne avtomobılderge arnalǵan dári qobdıshalaryn daıyndaıdy. Avtomobıldik dári qobdıshasy-eń mańyzdy jáne almastyrylmaıtyn ataýlardyń biri, olar mindetti túrde joldyń júrý bóligine shyǵatyn jáne jol júrisiniń qatysýshysy bolyp tabylatyn kez kelgen kólik quralynda bolýy tıis. Bul rette qobdıshadaǵy taýarlardyń jaramdylyq merzimi, quramy jáne sapasy óte mańyzdy.
Balaly bolýǵa daıyndalyp júrgen otbasylar úshin perzenthanadaǵy alǵashqy kúnder, sondaı-aq jas ana men bala úıge oralǵannan keıingi kezeń óte mańyzdy. Osy rette jańa týǵan nárestege arnalǵan alǵashqy medısınalyq kómek jınaǵy ata-analar úshin óte yńǵaıly.
