Úkimet • 22 Qazan, 2020

Asqar Mamınniń tóraǵalyǵymen Investısııalyq ahýaldy jaqsartý jónindegi keńes ótti

16 ret kórsetildi

Investısııalyq ahýaldy jaqsartý jónindegi keńes QR ekonomıkasyn qalpyna keltirý perspektıvasyn qarastyrdy, dep habarlaıdy Egemen.kz Premer-Mınıstrdiń baspasóz qyzmetine silteme jasap.

Premer-Mınıstr Asqar Mamınniń tóraǵalyǵymen ótken Investısııalyq ahýaldy jaqsartý jónindegi keńes otyrysynda pandemııadan keıingi kezeńde Qazaqstan ekonomıkasyn qalpyna keltirý máseleleri qaraldy.

QR-daǵy halyqaralyq qarjy ınstıtýttary men ınvestısııalyq qoǵamdastyqtyń perspektıvasy boıynsha Qazaqstanda akkredıttelgen AQSh elshisi Ý. Mozer, Ulybrıtanııa elshisi M. Gıfford, Kanada elshisi N. Brýsso, Eýropalyq odaq elshisi Sven Olov Karlsson, EYDU Eýrazııalyq bólimshesiniń dırektory Ý. Tompson, EQDB ókildiginiń dırektory A. Preımanıs, Qazaqstandaǵy "Shell" konserniniń tóraǵasy O. Lazar, sondaı-aq EY jáne Deloitte kompanııalarynyń ókilderi baıandady.

QR ınvestısııalyq saıasaty men daǵdarysqa qarsy qabyldanyp jatqan sharalar týraly ulttyq ekonomıka mınıstri R. Dálenov túsinik berdi.

"Úkimet qabyldaǵan daǵdarysqa qarsy sharalar pandemııa saldarynan ekonomıkalyq quldyraýdy báseńdetýge múmkindik berdi – ekonomıkanyń naqty sektorynda, atap aıtqanda, qurylysta (10,5%), aýyl sharýashylyǵynda (5%) jáne óńdeý ónerkásibinde (3,3%) oń dınamıka saqtaldy", dedi A. Mamın.

Úkimet basshysy Eýropalyq qaaıta qurý jáne damý banki, Azııa damý banki, Halyqaralyq valıýta qory, sondaı-aq Moody's, Fitch, and Standard&Poor's reıtıng agenttikteri sııaqty jetekshi halyqaralyq qarjy ınstıtýttary QR ekonomıkasynyń damýynyń oń boljamyn rastaǵanyn atap ótti.

Premer-Mınıstr ekonomıkanyń odan ári ósýin qamtamasyz etý jáne pandemııadan keıingi jańa shynaıy jaǵdaılarda onyń sapaly jáne turaqty damýy úshin negiz qalyptastyrý maqsatynda Qazaqstannyń 2025 jylǵa deıingi Strategııalyq damý jospary ázirlengenin atap ótti. Bul rette Úkimet sheteldik kapıtaldy tartýdyń jańa tujyrymdamasyn iske asyratyn bolady.

"Bul jumystyń qaǵıdattarynyń biri jobalardy daıyndaý men iske asyrýdyń árbir satysynda ınvestorlarǵa targettelgen kózqaras bolmaq", dedi A. Mamın.

Úkimet basshysy árbir strategııalyq ınvestor úshin saralanǵan qoldaý «paketterin» qamtamasyz etetin arnaıy ınvestısııalyq kelisimderge qol qoıylatynyn atap ótti.

"Investısııa tartý – bizdiń jańa ekonomıkalyq modelimizdiń negizgi aspektisi. Biz Qazaqstannyń halyqaralyq ustanymyn senimdi ári boljamdy ınvestısııalyq baǵyt retinde odan ári nyǵaıtý jónindegi usynymdardyń tıimdi oryndalýyn qamtamasyz etemiz", dep túıindedi A. Mamın.

Sońǵy jańalyqtar

Almaty mańynda jer silkindi

Aımaqtar • Keshe

Sý aıaǵy qurdymǵa kete me?

Aımaqtar • Keshe

Kók túrkiniń kózi

Tarıh • Keshe

Tólge toly Taıketken

Ekologııa • Keshe

15 mamyr – Halyqaralyq otbasy kúni

Qoǵam • 15 Mamyr, 2021

Semeıde eki jeńil kólik soqtyǵysyp qaldy

Aımaqtar • 15 Mamyr, 2021

Uqsas jańalyqtar