Qazaqstan Prezıdentine oblystyń 9 aıdaǵy áleýmettik-ekonomıkalyq damý qorytyndylary týraly esep berildi.
Oblys ákiminiń aıtýynsha, ekonomıkadaǵy ósim 105 paıyzdy qurady. О́nerkásip jáne aýyl sharýashylyǵy salalarynda da oń kórsetkishter baıqalady. О́ńirge tartylǵan ınvestısııa kólemi ótken jylǵy osy merzimmen salystyrǵanda 66 paıyzǵa jetip, qurylys qarqyny 65 paıyzǵa artqan.
О́mirzaq Shókeev Qasym-Jomart Toqaevqa agroónerkásip keshenindegi birqatar jobanyń iske asyrylý barysy, sonyń ishinde, jańbyrlatyp sýarý tehnologııasyn engizý jóninde baıandady.
Sonymen qatar oblys ákimi bógettiń buzylýynan keıingi Maqtaaral aýdanyndaǵy tótenshe jaǵdaı saldaryn joıý jónindegi Prezıdenttiń bergen tapsyrmalarynyń oryndalý barysy týraly aıtty. Oblys ákiminiń málimeti boıynsha, Myrzakent aýylynda 386 turǵyn úı paıdalanýǵa berilgen. Bul úılerdiń jartysy bıýdjet esebinen, qalǵany demeýshilerdiń qarajatyna salyndy.
Kezdesý qorytyndysy boıynsha Memleket basshysy Túrkistan oblysy basshylyǵynyń jumysyna oń baǵa berdi. Prezıdent oblystaǵy epıdemıologııalyq ahýaldy baqylaýdy tapsyrdy. Sondaı-aq Qasym-Jomart Toqaev saılaýaldy naýqannyń ashyq ári zańdy túrde júrgizilýin qamtamasyz etý qajettigin atap ótti.
