Saıasat • 22 Qazan, 2020

Qazaqstan men Reseı dıplomatııalyq qatynastar ornatylǵan kúndi atap ótýde

24 ret kórsetildi

Búgin elderimiz arasyndaǵy dıplomatııalyq qarym-qatynastardyń ornaǵanyna 28 jyl tolady, dep habarlaıdy Egemen.kz mınıstrliktiń baspasóz qyzmetine silteme jasap.

О́tken ýaqyt ishinde Qazaqstan men Reseı halyqtaryn baılanystyratyn dostyq pen ózara syılastyqtyń ıgi dástúrlerine súıene otyryp, ekijaqty qatynastar strategııalyq áriptestik pen odaqtastyqtyń joǵary deńgeıine shyqty.

Qazirgi kezeńde strategııalyq áriptestiktiń negizi 2013 jylǵy 11 qarashadaǵy XXI ǵasyrdaǵy tatý kórshilik jáne odaqtastyq týraly shart bolyp tabylady. Saýda-ekonomıkalyq, ǵylymı-tehnıkalyq, mádenı, gýmanıtarlyq jáne basqa da salalardaǵy saıası dıalog pen jemisti yntymaqtastyq serpindi damýda.

Eýrazııalyq ekonomıkalyq odaq, UQShU, TMD, ShYU, BUU jáne basqa da kópjaqty qurylymdar sheńberindegi yntymaqtastyq senim men ózara túsinistikke negizdelgen Nur-Sultan men Máskeý arasyndaǵy strategııalyq áriptestikti damytýdyń mańyzdy elementi bolyp tabylady.

Qazaqstan men Reseıdiń strategııalyq áriptestigin nyǵaıtýda memleket, Úkimet, mınıstrlikter men vedomstvolar, iskerlik qurylymdar basshylarynyń turaqty kezdesýleri men kelissózderi jetekshi ról atqarady.

Reseı men Qazaqstan arasyndaǵy qatynastardyń búkil keshenin, halyqaralyq kún tártibiniń ózekti máselelerin sheshýdegi syndarly ózara is-qımyldy odan ári óristetý eki el halyqtarynyń túpki múddelerine saı keletini sózsiz.

Sońǵy jańalyqtar

Kabýlda jarylys boldy

Oqıǵa • Búgin, 17:08

Otandyq fılmderdiń úlesi artady

Qazaqstan • Búgin, 16:20

Almatyda baqylaý kúsheıtildi

Koronavırýs • Búgin, 14:08

Aqsha emes, abyroı qymbat

Boks • Búgin, 13:04

Kúrshim ózeni de lastana bastady

Ekologııa • Búgin, 12:38

Tiliksiz ota jasaldy

Medısına • Búgin, 12:20

Uqsas jańalyqtar