Qoıan-qoltyq urystan "Shyǵys" óńirlik qolbasshylyǵynyń birinshiligi áskerı qyzmetshiler arasynda armııalyq qoıan-qoltyq urysty tanymal etý jáne damytý maqsatynda ótkizildi.
Áskerıler Otan qorǵaý jolynda kez-kelgen jaǵdaılarǵa ázir turý kerek. Búgingi jarysqa qatysýshy áskerı qyzmetshiler kúsh synasyp, fızıkalyq turǵyda daıyn ekenderin kórsetti.
- Jarysqa qatysýshylar belsendi boldy. Biraq bireýi bireýinen basym túseri zańdylyq. Jarys qortyndysy boıynsha serjant Sanat Sadyqov, kishi serjant Arhat Baıahmetov, efreıtor Nurbolat Jumabekovter irikteý kezeńinen súrinbeı ótti, - deıdi «Shyǵys» óńirlik qolbasshylyǵy jaýyngerlik daıarlyq Basqarmasynyń aǵa baǵyttaýshy ofıseri kapıtan Nurjan Turymov.
Qoıan-qoltyq urysta myqtylyq tanytqan olar endi Qazaqstan Respýblıkasy Qarýly Kúshteriniń chempıonatynda óz salmaq dárejeleri boıynsha baqtaryn synaıdy.
О́skemen
