"Arqa ALAN" ulttyq sport túrleri ortalyǵynda balalar tegin qazaq kúresi, asyq atý, bes asyq, toǵyz qumalaq jáne shahmat sport seksııalarymen aınalysyp, 600-ge jýyq bala qatysa alady. Ekinshisi - Art Tumar sándik-qoldanbaly óner ortalyǵy. Ol jerde toqýdy, zergerlik ónerdi, aǵashty kórkemdep óńdeýdi, quraq tigýdi, keste tigýdi jáne teri men sazdy óńdeýdi úıretedi. Ortalyqqa 300-ge jýyq bala qatysa alady", - dep habarlady Sholpan Qadyrova.
Eki nysan da sol jaǵalaýda, jaǵalaý shaǵyn aýdanda ornalasqan.
Kúrdeli jóndeýden keıin balalar men jasóspirimderdiń týrızm jáne ólketaný ortalyǵy óz jumysyn bastady.
"Tehnıkalyq baǵyttaǵy úıirmeler óskeleń urpaq arasynda úlken qyzyǵýshylyqqa ıe. Sondyqtan 250-den astam balany qamtıtyn tehnıkalyq shyǵarmashylyq ortalyq ashylady. Ortalyqtyń fılıaly Jeleznodorojnyı eldi-mekeninde, Jambyl Jabaev kóshesi, 27 mekenjaıy boıynsha jeke ǵımaratta ornalasady", – dedi Bilim basqarmasynyń basshysy.
Sondaı-aq, elordada oqýshylar arasynda ulttyq oıyndar men ulttyq ónerdi nasıhattaýǵa baǵyttalǵan Altyn Urpaq jobasy iske qosyldy. Joba elordalyq 80 mektepte júzege asyrylyp, 5340 balany qamtydy. Sonymen qatar, osy jyldyń sońyna deıin № 90 orta mektep bazasynda taǵy eki fılıal men bir komıýnıtı-ortalyq ashý josparlanýda.
Karantın sharalarynyń kúsheıýine baılanysty jalpy bilim beretin mektepterde ornalasqan qosymsha bilim berý uıymdary fılıaldarynyń jumysy toqtatyldy. Alaıda, 10-nan astam bala aınalysatyn úıirmeler toptary óz jumysyn jalǵastyrýda.
