"Qurmetti "Habar" agenttiginiń ujymy! Elimizdegi tuǵyry bıik buqaralyq aqparat quralynyń biri - "Habar" agenttiginiń shırek ǵasyrlyq mereıli merekesi qutty bolsyn! Búginde aqparat aıdynyndaǵy bedeldi uıym jahandaǵy bar jańalyqtyń jarshysy bolyp, halyqqa qyzmet etip kele jatyr.
Agenttik uıystyryp otyrǵan tórttaǵandaǵy ər arnanyń atqaryp kele jatqan eńbegi ushan-teńiz. Tanymdyq-saraptamalyq saryndaǵy baǵdarlamalary basym "Habar", táýlik boıy aqparat aǵynymen qamtamasyz etetin "Habar 24", əlemniń ər túkpirindegi aǵaıynnyń ystyq yqylasyna bólengen "Kazakh TV", kıno jəne teatr əlemimen qaýyshtyratyn "El arna" - ər jańa maýsym saıyn kórermenin qýantýdan jalyqqan emes.
Jalpy túbi bir túrki elderine ǵana emes, əlemge tanylǵan "Habar" pikir men istegi birlikti, baýyrlastyqty nyǵaıta túsýge yqpal etip keledi. Laıym ıgi bastamasymen kópshiliktiń kókeıindegi oıdy dóp basatyn agenttik basshylyǵyna, kúlli ujymǵa Mədenıet jəne sport mınıstrliginiń atynan shyn júrekten rızashylyǵymdy bildiremin!Osynaý erekshe sətti paıdalana otyryp, qajymas qaırat, tolaıym tabys, jemisti jumystaryńyzdyń sátti jalǵasýyn tileımin!"- delingen quttyqtaý hatta.
