Búginde ınfeksııalyq stasıonarlarda 54 adam em qabyldap jatyr. Onyń ekeýinen PTR-testileý qorytyndysy oń nátıje berdi. Olardyń biri perzenthanada jatqan júkti áıel, ekinshisi oblystyq balalar aýrýhanasyna jatqyzylǵan sábı.
Mańǵystaý oblysynyń shtattan tys bas epıdemıology Maral Qadirdiń aıtýynsha, kúzgi maýsymda barlyq vırýstyq ınfeksııalar deńgeıiniń kóterilgeni baıqalady.
– Koronavırýstyń birinshi tolqyny bıyl naýryz aıynan shilde aıynyń sońyna deıin sozyldy. Munan soń tamyz-qyrkúıek aılary úzilis tapqan bolatyn. Shamamen qyrkúıektiń 20-synan bastap aımaqta zerthanalyq jolmen dáleldengen koronavırýs ınfeksııasy tirkele bastady. Máselen, qyrkúıekte 5 naýqas tirkelse, odan beri 33 adam dert juqtyrǵan. Iаǵnı, búginde 38 adamnan KVI belgisi zerthanalyq jolmen dáleldenip otyr. Al pnevmonııa aýrýyna keletin bolsaq, munda eshqandaı úzilis bolǵan joq. Bul aýrýdyń ekinshi tolqynynda, atap aıtsaq tamyz aıynda 68, qyrkúıekte 94, qazan aıynyń basynan búginge deıin 48 adamnan anyqtaldy. Sonda barlyǵy 210 naýqas tirkelip otyr, – deıdi ol óńirlik qoǵamdyq kommýnıkasııa ortalyǵynda ótken brıfıngte.
Mańǵystaý oblysynyń shtattan tys bas epıdemıology koronavırýs nemese vırýstyq pnevmonııamen aýyrǵan adamdardyń kún salqyndaǵanda ókpe qabynýlary qaıta asqynýy múmkin ekenin eskertti.
Onyń aıtýynsha, koronavırýs nemese vırýstyq pnevmonııamen aýyrǵan adamdardyń kún salqyndaǵanda ókpe qabynýlary qaıta asqynýy múmkin.
– Bul naýqastarmen buǵan deıin fızıoterapııa bóliminiń mamandary jumys istedi. Iаǵnı olar úıretken tynys alý jattyǵýlaryn turaqty jasap turý qajet. Búgingi tańda ortalyq aýrýhanada 40 tósektik ońaltý bólimi jumys istep tur. Múmkindiginshe emhanalar arqyly portalmen sol bólimge túsip, emdelýge de bolady. Ol jerde emdik sharalardan bólek tynys alý jattyǵýlaryn durys jasaý joldary úıretiledi, – dedi M.Qadir.
О́ńirde 70 myńǵa tarta adam tumaýǵa qarsy egilýge tıisti táýekel topqa jatqyzylǵan. Juqpaly tynys aýrýlarynyń 200-ge tarta túri bar. Jyl saıyn qyrkúıek-qazan aılarynda osyǵan daıyndyq jumystary júredi. Bıyl Mańǵystaýda tumaýǵa shaldyǵýdyń aldyn alý sharalary tamyz aıynan bastap júrdi. Onyń ishinde táýekel top ókilderin aldyn ala egýmen qamtamasyz etýge aıryqsha mán berildi. Bul topqa jıi aýyratyn adamdar, ımmýnıteti álsiz azamattar, jas balalar, sozylmaly syrqatpen esepke turǵandar, júkti áıelder men jasy 60-tan asqan turǵyndar kiredi.
Elimizde júrdim-bardym qaraıtyn qarapaıym tumaýdyń ózi indettiń bastamasy bolyp ketpeýi úshin halyqqa da, dárigerlerge de saqtyq, qyraǵylyq qajet. «О́zimizdiń tumaý» ókintip ketpese bolǵany.
Mańǵystaý oblysy
