Aýyldardyń sýmen jabdyqtalýyna monıtorıng júrgizý maqsatynda ınteraktıvti karta ázirlep, iske qostyq. Onda kóptegen parametri boıynsha naqty jaǵdaı kórsetilgen.
Ortalyq jáne jergilikti atqarýshy organdar arasyndaǵy quzyretti bólý boıynsha zań jobasy ázirlendi.
Tizbeni bekitý fýnksııasyn, sondaı-aq aýyzsýǵa tólem mólsherin ázirleý normalaryn bekitýdi jergilikti atqarýshy organdarǵa berý josparlanǵan.
Zań jobasynda kórsetilgen sharalardy iske asyrý mynadaı múmkindikter beredi:
- - salynǵan oqshaý júıelerdi Tizbege engizýdi jedeldetedi;
- - óńirlerge aýyzsýmen jabdyqtaýǵa arnalǵan sýbsıdııany bólý men alýdy tezdetedi;
- - oblys boıynsha ortasha tarıf pen óńirdiń áleýmettik-ekonomıkalyq damýyn eskere otyryp, 1 tekshe metr aýyzsý úshin halyqtyń tólemin retteıdi.
Elbasynyń tapsyrmasyna sáıkes elimizdiń 53 qalasynda kárizdik-tazartý qondyrǵylaryn salý jáne jańǵyrtý jobalaryn iske asyrýǵa daıyndyq júrgizip jatyrmyz.
5 qalada kárizdik-tazartý qondyrǵylaryn salý men rekonstrýksııalaý boıynsha tehnıkalyq-ekonomıkalyq negizdeme ázirlendi. Saraptama oń qorytyndysyn berdi. Bul jobalardy shamamen 40 mlrd teńge mólsherinde Azııa Damý Banki qaryzy esebinen iske asyrý josparlanǵan.
6 qala boıynsha tehnıkalyq-ekonomıkalyq negizdeme ázirlenip, saraptamaǵa jiberildi. Quny shamamen 90 mlrd teńge bolatyn ol jobalardy Eýropalyq qaıta qurý jáne damý bankiniń qarajaty esebinen iske asyrý josparlanǵan.
Álemdegi pandemııaǵa baılanysty jobalardy iske asyrý 2021 jyldyń birinshi jarty jyldyǵyna aýystyryldy.
