Aımaqtar • 27 Qazan, 2020

BQO ákimi Cheh Respýblıkasynyń Qazaqstandaǵy Elshisimen kezdesti

208 ret kórsetildi

О́ńirge Cheh Respýblıkasynyń О́kiletti jáne Tótenshe Elshisi bastaǵan delegasııa quramy keldi. Oblys ákimidiginde delegasııa quramyn oblys ákimi Ǵalı Esqalıev qabyldady, dep habarlaıdy Egemen.kz.

Kezdesýge oblystyq kásipkerlik basqarmasynyń, "Aqjaiyq" áleýmettik-kásipkerlik korporasııasy" AQ, "Qazaq Invest" UK" AQ, oblystyq kásipkerlik jáne ındýstrıaldyq-ınnovasııalyq damý basqarmasy basshylary da qatysty.

Oblys ákimi sózinde Gıkl myrzanyń pandemııadan keıin alǵashqy bolyp óńirge atbasyn burǵandyǵyn atap ótti.

"Bizde jaz aılarynda kóptegen eldermen kezdesýler aptasyn josparlaǵan bolatynbyz. Onyń ishinde Cheh Respýblıkasynyń da aptasy bar. Basty ıdeıa memleketter arasyndaǵy qarym-qatynasty nyǵaıtý, bıznes baılanysty damyta túsý, mádenı, ekonomıkalyq baǵytta kórmeler uıymdastyrýdan týyndaǵan edi. О́kinishke oraı atalmysh jumystardy júzege asyrý keler jyldyń enshisinde qalyp otyr", - dedi óńir basshysy.

"Batys Qazaqstan oblysy Eýropaǵa jaqyn óńir. Sonymen qatar, aımaqqa Reseı Federasııasynyń iri qalalary jaqyn ornalasqan. Kaspıı teńizi arqyly Taıaý Shyǵysqa shyǵý múmkindigi bar. Sol sebepti bizdiń óńirdiń áleýeti joǵary", - dedi oblys basshysy.

Oral qalasynyń áýejaıy jańartylýda. Munyń Qazaqstan boıynsha jolaýshylar tasymaly men halyqaralyq júk tasymalynda erekshe mańyzy bar.

Oblys ákimi búgingi tańda aımaqta cheh kapıtaldyń qatysymen 6 kompanııa jumys jasaıtyndyǵyn atap ótti.

Cheh Respýblıkasynyń Qazaqstandaǵy elshisi R.Gıkl myrza oblys ákimine alǵysyn bildirip, eki el arasyndaǵy yntymaqtastyq arta beretindigine senim bildirdi.

"Bizdiń kompanııalar BQO-da birneshe jyldan beri jumys jasap keledi. Aqsaı qalasyndaǵy "Cheh qalashyǵynyń" tarıhy da erekshe. Energetıka salasyna zamanýı qondyrǵylar ornatý jumystary da júrgizilýde", - dedi R.Gıkl myrza.

Sonymen qatar chehtik kompanııalardyń aýyl sharýashylyǵy salasyna qyzyǵýshylyǵynyń zor ekendigine de toqtaldy.

"Bul baǵytta agrohımııalyq ónimderdi qoldaný jumysty damyta túspek. BQO-da aýylsharýashylyǵy jylyjaılaryn damytý josparda bar.

Biz jyl saıyn Qazaqstan kásipkerlerimen birlese bıznes josparlarymyzdy júzege asyryp kelemiz. Bul baǵytta kórmeler uıymdastyrylýda. Sonymen qatar áýejaılarǵa qondyrǵalar ákelýdi de josparlap otyrmyz", - dedi R.Gıkl myrza.

Elshi myrza M.О́temisov atyndaǵy Batys Qazaqstan ýnıversıtetinde bolyp, oqytýshylarmen ózara ınklıýzıvti bilim berý berýde tájirıbe al almasýǵa múmkindik bar ekendigin aıtty.

Kezdesý barysynda delegasııa quramyna BQO-nyń ınvestısııalyq áleýeti jóninde prezentasııa kórsetildi.

Oblys ákimi R.Gıkl myrzaǵa raqmetin aıtyp, bıznes josparlardy júzege asyrýda eki el kásipkerleri birlese jumystana beretindigin jetkizdi.

Biz ınvestısııa tartý isinde tyń jobalardy birlese atqarýǵa ázirmiz. Bıznes myqty bolsa, eldiń áleýeti de kóteriledi. Bilim men mádenıette de damý qarqyn alady. Bastysy, ózara qarym-qatynas nyǵaıa tússin! – dedi oblys ákimi.

Aıta ketý kerek, sapar barysynda delegasııa quramy KPO b. v., Aqsaı qalasyndaǵy "Czech Camp" kompanııasyna, oblystyq tarıhı-ólketaný mýzeıine bardy.

Sońǵy jańalyqtar

Tegimizdi jazýdy qashan túzeımiz?

Qoǵam • Búgin, 23:11

Tarıhty zerdeleý – urpaq mindeti

Tarıh • Búgin, 23:02

Qurban bolǵandardy anyqtaý – paryz

Tarıh • Búgin, 22:55

Qazaq radıosy qalaı ashyldy?

Suhbat • Búgin, 22:51

Vıkıngterdiń izimen

Tarıh • Búgin, 22:46

Aqbóken ósimin retteı alamyz ba?!

Aımaqtar • Búgin, 22:32

Úlken ótirik jáne onyń saldary

Álem • Búgin, 22:29

Qostanaı oblysynda kólik órti jıilegen

Aımaqtar • Búgin, 18:00

Búgin – Halyqaralyq Mýzeı kúni

О́ner • Búgin, 15:12

Koroldik klýb kósh bastap tur

Fýtbol • Búgin, 14:44

Uqsas jańalyqtar