Aımaqtar • 28 Qazan, 2020

Uıat pa, uıat emes pe?

1115 ret kórsetildi

Almatydaǵy Abaı dańǵyly men Áýezov kóshesiniń qıyly­syndaǵy kópqabatty úıdiń qabyrǵasyna «qısaıtyp» salynǵan uly danysh­pannyń mýralyna kózimiz úırenbeı-aq qoıdy... Naqtylasaq – kezinde qoldanystan túsken 20 teńgelik banknotty tiginen «turǵyzyp» boıap salǵan demeýshi, ıakı jebeýshi «kózdegen» armanyna jetken-aý degen oıda qalamyz! О́ıtkeni...

Sýretti túsirgen Nurmanbet QIZATULY

Avtobýs pen trolleıbýs aıa­lda­masy, metro beketi, bári – osyn­da. Sol sebep­ti, shahar turǵyn­dary men qonaqtary sho­ǵyr­­lanǵanda báriniń kózine bir­den túsetin kórinisti ádeıi jasal­ǵan kelemej demeske ýáj tap­paısyń. Áıtpese, uly aqynnyń 175 jyldyq mereıtoıy ústinde «20 teńgeni» julyp tastap, jańa mýral salýǵa ýaqyt ta shash etekten jetti. «Atakent» pa­vılo­ny aldyndaǵy sabannan salyn­ǵan shómele-tıinniń shashbaýyn kóteremiz dep sharshap jú­rip, qalalyq ákimshiliktegi má­de­nıet basqarmasynyń bir­neshe basshysy aýysty. Sol shirkin­derdiń, eń bolmasa, mýraldaǵy Abaı­dyń beınesin kópe-kórineý «qısaıt­paı» – jantaıtyp keskindeýge de shamalary jetpeı ketti...

Eń soraqysy, muny da ádeıi jasalmaǵan deýge dátiń barmaıdy: ásh­kereli banknot salynǵan bıik úı­diń qasyndaǵy ekinshi záýlim ǵı­ma­ratta úlken áriptermen battıtyp «Uıat emes» dep jazylyp qoıyl­ǵan!!! Bula­ry – beıne uly aqyn­nyń «qısaıtyp» salyn­ǵan sýreti uıat emes degen «aqtalý» ispetti!

«...jas bala qyzyl shoqtan qorqý­shy edi, bular tozaqtan da qoryq­­paıdy eken. Jas bala uıalsa jer­ge ene jazdaýshy edi, bular ne­­den bolsa da uıalmaıdy eken» degen uly aqynnyń Besinshi sózi sana­ny silkilep-aq tur. Amal, neshik!..

 

Talǵat SÚIINBAI,

jýrnalıst

 

Almaty

 

Sońǵy jańalyqtar

Vıkıngterdiń izimen

Tarıh • Keshe

Uqsas jańalyqtar