«Qazaqstan temir joly» UK» AQ baspasóz qyzmetiniń habarlaýynsha, is-shara barysynda COVID-19 pandemııasynyń júk tasymaldaý dınamıkasyna áserin eskere otyryp, «THQR «HA» zańdy tulǵalar birlestiginiń Transkaspıı halyqaralyq kólik marshrýty boıynsha 2020 jyldyń 9 aıyndaǵy tasymaldaý josparynyń oryndalýy jónindegi esep tyńdaldy, esepti kezeńge saı tasymaldaý kólemi 1500 JFE-ni qurady.
Sonymen qatar kezdesý aıasyndaǵy pikirtalastar nátıjesinde ázerbaıjandyq vagondar operatory «ADY Express» JShS «KTZ Express» aksıonerlik qoǵamy úılestiretin Transkaspıı kólik marshrýtynyń konsorsıýmyna biraýyzdan qabyldandy.
Otyrystyń kún tártibinde sonymen qatar konteınerlik poıyzdardyń ótý ýaqyty, Shyǵys – Batys baǵytynda jeke jáne toptyq jóneltýler, sondaı-aq 2019 jyldyń 25 maýsymynda bekitilgen Kaspıı teńizi porttary (Aqtaý, Baký, Alat) arasyndaǵy fıder kemeleriniń qatysýymen tikeleı halyqaralyq temir jol jáne sý qatynasynda konteınerlik tasymaldy uıymdastyrý týraly kelisimge ózgerister engizý máseleleri talqylandy.
«Biz THQR qatysýshylarynyń birlesken jobalarmen jumys isteýge degen joǵary qyzyǵýshylyǵyn baıqaımyz jáne tasymaldaý prosesiniń biryńǵaı tehnologııasyn jetildirýge, ákimshilik prosedýralardy jeńildetýge, básekelestik ortany qurýǵa, sonymen qatar tranzıttik jáne syrtqy saýda júkterin tartý baǵytynyń maksımaldy tıimdiligin qamtamasyz etýge tyrysamyz», dedi P.Sokolov.
Otyrys nátıjesinde qatysýshylar baıytylǵan kómir, koks jańǵaǵy, kúkirt, suıytylǵan gaz, astyq, maıly daqyldar, burshaq daqyldaryn jáne basqa da taýar nomenklatýrasyn tasymaldaýǵa arnalǵan THQR marshrýtyndaǵy tarıftik sharttardy bekitti.
