Bank ókilderiniń aıtýynsha, qazirgi ýaqytta tehnıkalyq aqaýdy joıý jumystary júrgizilip jatyr.
"28 qazanda Kaspi.kz qosymshasynda tehnıkalyq aqaýlar boldy. Qosymsha isten shyǵý nátıjesinde klıentterdiń shottaryndaǵy qarajat durys kórsetilmedi. О́kinishke qaraı, kartalarmen tóleý, bankomattardan aqsha alý nemese kartaǵa aqsha jiberý, tólemder men aýdarymdar ýaqytsha múmkin bolmaı tur. Kompanııa aqaýdy joıý úshin jumys istep jatyr", dedi banktegiler.
Aıta keteıik, áleýmettik jeliler men messendjerlerde munyń kıbershabýyl ekeni týraly jalǵan habarlamalar tarap jatyr.
"Eshqandaı kıbershabýyl bolǵan joq, klıentterdiń aqshasy saqtalady, aqaý joıylǵannan keıin qosymshada shottaǵy aqsha durys kórsetiledi", dedi Kaspi.kz ókilderi.
