Aımaqtar • 28 Qazan, 2020

Sybaılas jemqorlyqqa qarsy is-qımyl jónindegi respýblıkalyq qoǵamdyq keńestiń otyrysy ótti

24 ret kórsetildi

Mańǵystaý oblysyndaǵy sybaılas jemqorlyqqa qarsy is-qımyldyń ózekti máseleleri Nur Otan partııasy janyndaǵy Sybaılas jemqorlyqqa qarsy is-qımyl jónindegi respýblıkalyq qoǵamdyq keńestiń otyrysynda talqylandy.

Keńestiń jumys toby Mańǵystaý oblysynda 2018-2019 jyldary jáne osy jyldyń 8 aıynda sybaılas jemqorlyqqa qarsy is-qımyl boıynsha atqarylǵan jumystardy zerttedi. Qoǵamdyq keńes músheleri bergen aqparatqa sáıkes, óńirdegi sybaılas jemqorlyq faktileriniń negizgi bóligi jergilikti atqarýshy organdardyń qyzmetinde oryn alyp otyr. Atap aıtqanda, mundaı faktiler memlekettik satyp alý, jer qatynastary, qurylys jáne turǵyn úı-kommýnaldyq sharýashylyq salalarynda tirkeldi.

Keńes tóraǵasy, Parlament Májilisiniń depýtaty Omarhan О́ksikbaevtyń aıtýynsha, sybaılas jemqorlyq kórinisterin barlyq salalarda ortalyqta jáne de óńirlerde ýaqytynda anyqtaý jáne joıý úshin qajetti sharalardy qabyldaýymyz qajet.

"Ásirese, qazirgi aýyr dert paıda bolǵan, qysyltaıań kezde memlekettik organdarǵa zor jaýapkershilik júkteldi. Partııamyzdyń Tóraǵasy, Nursultan Nazarbaev aıtqandaı, "alǵa qoıǵan maqsattarǵa jemqorlyqpen ymyrasyz kúresý arqyly ǵana jetý múmkin". Muny esten shyǵarmaýymyz kerek. Sondaı-aq, Qazaqstan halqyna Joldaýynda Memleket basshysy Qasym-Jomart Toqaev aıtqandaı: «Biz azamattarymyzdyń laıyqty ómir súrýine jaǵdaı jasaýǵa, olardyń quqyqtaryn qorǵaýǵa, zań ústemdigin qamtamasyz etýge, jemqorlyqqa qarsy kúresti kúsheıtýge mindettimiz", dedi Omarhan О́ksikbaev.

Otyrys qorytyndysy boıynsha qoǵamdyq keńes músheleri Mańǵystaý oblysynda sybaılas jemqorlyqqa qarsy is-qımyldy jandandyrý jóninde birqatar naqty usynystar berdi.

Aıta keteıik, buǵan deıin Nur Otan Partııalyq baqylaý komıtetiniń alańynda partııa músheleri qazaqstandyqtardy taza aýyz sýmen qamtamasyz etýdiń ózekti máselelerin talqylady.

Sońǵy jańalyqtar

Aqtóbede «Igi ister» marafony bastaldy

Aımaqtar • Búgin, 17:48

Shymkentte mektepterde ystyq tamaqpen qamtýǵa ruqsat joq

Ońtústik Qazaqstan • Búgin, 15:52

Uqsas jańalyqtar