"Barlyq qondyrǵylardy qaıta qurý arqyly sońǵy ózgerister jasaldy. Jaqynda tolyqqandy jumysqa kirisemiz. Almaty JEO-2 ny gazǵa aýystyrýdyń aıaqtalý merzimi 2025 degen sheshimge keldik. Qazir jylý elektr ortalyǵynda 8 qazandyq bar, olardyń barlyǵy gazǵa kóshýi kerek. Erteń, 30 qazannan bastap dızaınerler qorshaǵan ortaǵa áserin baǵalaýdy júrgizedi. 2021 tolyǵymen qujattardyń tehnıkalyq komponentterin daıyndaýǵa jumsalady, sodan keıin saraptama jumystary bastalady", degen qala basshysy qurylys jumysy 2022 jyldan bastalatynyn aıtty.
"Jylytý maýsymy bastalǵan kezde qaıta qalpyna keltirý jumystaryn júrgize almaıtyndyǵymyzdy eskerýimiz kerek. Qurylys jylytý maýsymynyń sońynda, sáýirdiń ortasynan qazan aıyna deıin bastalady. Alǵashqy eki qazandyqty jazǵy ýaqytta aýystyramyz degen qortyndyǵa keldik. Sonymen, eki blok boıynsha jáne birtindep 2025 jylǵa deıin biz barlyq jumysty aıaqtaımyz. Sodan keıin JEO-2-den atmosferaǵa lastaýshy zattardyń jyl saıynǵy shyǵarylymy 38 myń tonnadan 6,5 tonnaǵa deıin tómendeıdi", dep túsindirdi qala ákimi.
Buǵan deıin Almaty JEO-2 tolyqtaı gazǵa kóshiriletini habarlanǵan bolatyn.
