Ekonomıka • 29 Qazan, 2020

Ortaq qarjy naryǵyn qalyptastyrý kedergilerdi joıady

22 ret kórsetildi

Búgin Eýrazııalyq ekonomıkalyq komıssııanyń ekonomıka jáne qarjylyq saıasat jónindegi alqa múshesi, mınıstr Tımýr Jaqsylyqov "Qarjylyq qaýipsizdik aýmaǵy" qarjylyq qyzmetterin tutynýshylardyń quqyqtaryn qorǵaý jónindegi V halyqaralyq konferensııada Eýrazııalyq ekonomıkalyq odaqtyń ortaq qarjy naryǵyn qalyptastyrý tujyrymdamasynyń erejelerin iske asyrý boıynsha jumys týraly aıtty, dep jazady Egemen.kz  EEK saıtynda jarııalanǵan derekterge silteme jasap.

"Aldaǵy jyldary Odaq elderi qarjy zańnamasyn úılestirýdi, EAEO elderiniń qarjylyq qyzmetterin jetkizýshilerdiń bir-biriniń naryqtaryna ózara kirýin qamtamasyz etýdi, zamanaýı naryqtyq ınfraqurylymdy qalyptastyrýdy, aldyńǵy qatarly halyqaralyq tájirıbeni qoldana otyryp, qarjy tehnologııalaryn damytýdy jáne ákimshilik yntymaqtastyqty jetildirýdi qosa alǵanda, aıtarlyqtaı jumys atqarýy kerek", dep atap ótti EEK mınıstri.

Onyń aıtýynsha, tujyrymdamany iske asyrý Odaq sheńberinde kapıtal men qarjylyq qyzmetterdiń erkin qozǵalysy jolyndaǵy bar kedergilerdi joıýǵa, jeke tulǵalar men kásipkerlik sýbektileri úshin ınvestısııalyq, banktik jáne saqtandyrý ónimderiniń qol jetimdiligi men alýan túrliligin arttyrýǵa múmkindik beredi.

Qarjy qyzmetterin tutynýshylar úshin qaýipsizdik pen jaılylyq aımaǵyn qurý birinshi kezektegi másele.

"Qarjy qyzmetterin jetkizýshilerdiń naryqtyq tártibin retteý men qadaǵalaý salasyndaǵy zańnamany odan ári jetildirý, sondaı-aq ulttyq qarjylyq retteýshilerdiń, iskerı qoǵamdastyq pen qarjy ombýdsmenderiniń ózara is-qımylyn, sonyń ishinde ádiletsiz tájirıbeler men qarjylyq pıramıdalarǵa qarsy is-qımyldyń tıimdi ádisteri boıynsha tájirıbe almasýdy belsendi túrde damytý qajet dep sanaımyn", - dep túıindedi ol.

EEK mınıstri sıfrlyq revolıýsııa birqatar eleýli qaterlerge toly ekenin, onyń ishinde azamattardyń qarjylyq qaýipsizdigi salasyna da qaýip tóndirip turǵanyn atap ótti. Osyǵan baılanysty, alaıaqtyq shemalaryn jetildiretin kıber qylmyskerlerge qarsy turý úshin qylmystyń osy túrine qarsy is-qımyl boıynsha halyqaralyq yntymaqtastyqty jandandyra túsý ózekti bola túsedi.

Konferensııaǵa qatysýshylar qarjylyq qyzmetterdi tutynýshylar úshin qaýipsizdik pen jaılylyq aımaǵyn qurý, sıfrlyq revolıýsııa jaǵdaıyndaǵy azamattardyń qarjylyq qaýipsizdigi, josyqsyz tájirıbeler men qarjylyq pıramıdalarǵa qarsy is-qımyl sharalary, sondaı-aq qaýipsiz ınvestısııalaý máselelerin talqylady.

Sońǵy jańalyqtar

Vıkıngterdiń izimen

Tarıh • Keshe

Uqsas jańalyqtar