"Kúni keshe Ulttyq senim keńesiniń kezekti otyrysynda Memleket basshysy Qasym-Jomart Kemeluly: "...mektep jasyndaǵy balalardy kitap oqý ádetine úıretý» qajettigin basa aıtty. Sondyqtan, bizdiń mınıstrliktiń bastamasymen Y.Altynsarın atyndaǵy Ulttyq bilim akademııasynyń qatysýymen balalar ádebıetiniń 20 álemdik bestsellerleriniń tizimi jasalyp, ishki qarjylyq múmkindikterdi qarastyra otyryp, aýdarmanyń aýdıo elektrondyq nusqasyn jasaý týraly sheshim qabyldandy. Aldaǵy ýaqytta olardy basyp shyǵarý máselesi boıynsha Bilim jáne ǵylym mınıstrligi óz úlesin qosady degen senimdemiz, dedi mınıstr A.Balaeva.
Mınıstrdiń aıtýynsha, bul jumystardyń barlyǵy – el ishinde, ásirese, balalar men jastardyń arasynda rýhanı-adamgershilik tárbıe júıesin júzege asyrýdyń birtutas jol kartasyn qalyptastyryp, birneshe múddeli memlekettik organdardyń atsalysýymen iske asyrýdy kózdeıdi.
