«Bilim berý baǵdarlamasynyń biregeıligi – semınar tyńdaýshylaryna ÚEU-ny tabysty damytý boıynsha ozyq praktıkalardy usynýda. Belgili sarapshylar men bıznes-trenerler ÚEU qyzmetin josparlaý jáne taldaý, qarjylandyrý kózderin tartý, ÚEU-ny ilgeriletý tásilderi, jeke damý strategııasyn qurý týraly jáne basqa da bilimderimen bólisedi. Qashyqtan oqytý formasynyń arqasynda semınarlar men vebınarlar barlyǵyna qoljetimdi. Bizdiń basty mindetimiz – ÚEU ókilderin qashyqtan jáne mobıldi oqytýdy uıymdastyrý úshin qazaqstandyq platforma qurý, sondaı-aq qoǵamdyq birlestikterdiń kásibı daǵdylaryn damytý», dedi Aqparat jáne qoǵamdyq damý mınıstrligi Azamattyq qoǵam isteri komıtetiniń tóraǵasy Madııar Qojahmetov.
Búgingi tańda ÚEU akademııasyna 300-den astam tyńdaýshy jazylǵan jáne ártúrli elderdiń jattyqtyrýshylary shaqyryldy.
Oqytý kýrstaryn Reseıdegi RedMe áleýmettik baǵyttalǵan marketıngtiń birinshi halyqaralyq agenttiginiń basshysy Olga Sharatýta, áleýmettik kásipkerlik boıynsha Qyrǵyzstannyń sarapshysy Gúlnara Júnisalıeva, strategııalyq jáne kommýnıkasııalyq menedjment boıynsha qazaqstandyq mamandar: buqaralyq kommýnıkasııa salasyndaǵy sarapshy Alına Hamatdınova, strategııalyq jáne kommýnıkasııalyq marketıng boıynsha keńesshi Ildar Valıýllov jáne basqalar júrgizedi.
Halyqaralyq sarapshylar qoǵamdyq uıymdar ókilderin qarym-qatynasty ilgeriletý ádisterine, bıznes, yntymaqtastyq pen ÚEU-ny damytý erekshelikterine, reseılik keıster, strategııa, qarjylyq josparlaý jáne jobalardy basqarý mysalynda ÚEU-ny damytýdyń tıimdi quraldaryn úıretedi.
«Bul paıdaly jáne mazmundy bastama. Men úshin ÚEU-ny damytýdyń marketıngtik ádisteri jáne reseılik korporatıvtik eriktilik agenttikteriniń sheshimderi jańalyq boldy. ÚEU-ny damytý boıynsha jańa jáne ýaqtyly aqparat aldyq, ony bizdiń aldaǵy qyzmetimizde mindetti túrde qoldanýǵa bolady», dep atap ótti Qostanaı oblysy Azamattyq alıansynyń basshysy Dınara О́tebaeva.
