Ekonomıka • 30 Qazan, 2020

Fransýz kompanııalaryna Qazaqstannyń ınvestısııalyq múmkindikteri tanystyryldy

10 ret kórsetildi

Saýda-ekonomıkalyq jáne ınvestısııalyq yntymaqtastyqty damytý máseleleri Qazaqstan-fransýz "dóńgelek ústeli" men eki eldiń iskerlik keńesiniń otyrysy barysynda talqylandy, dep habarlaıdy Egemen.kz Syrtqy ister mınıstrliginiń baspasóz qyzmetine silteme jasap.

Beınekonferensııa rejıminde ótken is-sharaǵa 100-den astam bıznes-qoǵamdastyqtyń ókilderi, Qazaqstan men Fransııanyń memlekettik organdarynyń, kvazımemlekettik uıymdarynyń basshylary qatysty.

Forým barysynda qatysýshylar ekonomıkany jańa jaǵdaıda damytý, Qazaqstanda bıznes júrgizý jáne ınvestısııalar boıynsha keń aýqymdy máselelerdi talqylady. Sonymen qatar, qazaqstandyq spıkerler eldiń ınvestısııalyq ahýaly, bıznesti memlekettik qoldaý sharalary jáne Qazaqstanda ınvestısııalyq jobalardy iske asyrý múmkindikterin keńinen tanystyrdy.

Syrtqy ister mınıstriniń orynbasary Almas Aıdarov óz sózinde Prezıdent Qasym-Jomart Toqaevtyń Qazaqstan halqyna arnalǵan Joldaýynda ınvestısııalyq saıasatty iske asyrý boıynsha qosymsha sharalar men basymdyqtardy, sonyń ishinde, jańa qural - strategııalyq ınvestısııalyq kelisimshartty engizý týraly jarııalaǵanyn atap ótti.

«Bizdiń elimiz ınvestısııalyq ahýaldy jaqsartýǵa baǵyttalǵan reformalardy júıeli túrde júrgizip keledi. Úkimettiń kásipkerlermen tikeleı jáne ashyq dıalogy qamtamasyz etilýde jáne jańa ınvestısııalar, noý-haý jáne ozyq tehnologııalar tartý úshin ınfraqurylym jetildirilýde. Qazirgi ýaqytta Prezıdent Qasym-Jomart Toqaevtyń tapsyrmasy boıynsha strategııalyq ınvestısııalyq kelisim arqyly iri ınvestorlar úshin qosymsha qoldaý quralyn engizý boıynsha jumys júrgizilýde. Osy kelisim ınvestorlarǵa salyqtyq preferensııalar, jeńildetilgen qarjylandyrý, memleket tarapynan kepildendirilgen satyp alý, sondaı-aq eksporttyq qoldaý túrinde memlekettik demeý sharalarynyń keshendi paketin usynady. Kepildi zańnama turaqtylyǵy men salalyq preferensııalardyń bolýyn atap ótý mańyzdy», - dedi mınıstrdiń orynbasary.

Is-shara aıasynda "BPifrance" Fransııanyń egemendi qory jáne ınvestısııalyq banki, "Saint-Gobain" qurylys materıaldary men ınnovasııalyq sheshimderiniń iri óndirýshisi jáne "Air Liquide" iri ónerkásiptik tobynyń basshylyǵymen ekijaqty kezdesýler ótti.

Fransııa Qazaqstannyń negizgi saýda-ınvestısııalyq seriktesteriniń tizimine kiredi. 2010 jyldan bastap Fransııadan Qazaqstanǵa tikeleı sheteldik ınvestııalar kólemi shamamen 11 mlrd. AQSh dollaryn qurady, búginde elimizde munaı-gaz sektorynda, ýran ónerkásibi, mashına jasaý, aýyl sharýashylyǵy, farmasevtıka, kólik, týrızm, sıfrlandyrý, energetıka, onyń ishinde balamaly energetıka jáne basqalarynda fransýz kapıtalynyń qatysýymen 166 kásiporyn tirkelgen. Olardyń qatarynda "Total", "Orano", "Alstom", "Air Liquide", "Vicat", "Danone", "Soufflet" jáne t. b. kompanııalar bar. 

Forýmdy QR Syrtqy ister mınıstrligi, QR Fransııadaǵy Elshiligi, "KAZAKH INVEST" UK" AQ, eki eldiń iskerlik keńesiniń teń tóraǵalary jáne MEDEF fransýz kásiporyndarynyń birlestigi uıymdastyrdy.

Sońǵy jańalyqtar

Pnevmonııadan 2 adam qaıtys boldy

Koronavırýs • Búgin, 11:42

Elimizde taǵy 839 adam koronavırýstan jazyldy

Koronavırýs • Búgin, 09:02

Pnevmonııadan 1 adam qaıtys boldy

Koronavırýs • Keshe

Bıatlonshylardyń baǵy janbady

Sport • 22 Qańtar, 2021

Konor Makgregordyń tabysy qansha?

Sport • 22 Qańtar, 2021

Elbasy Beıbit Atamqulovty qabyldady

Elbasy • 22 Qańtar, 2021

Almatynyń AT-arhıtektýra jospary bekitildi

Aımaqtar • 22 Qańtar, 2021

Memleket basshysy Alekseı Soıdy qabyldady

Prezıdent • 22 Qańtar, 2021

Atyraýda 35 jastaǵy azamatshany tonap ketti

Aımaqtar • 22 Qańtar, 2021

Maqtaralda kóktemgi egis jumystary bastaldy

Aımaqtar • 22 Qańtar, 2021

Birneshe oblysta jol jabyldy

Qazaqstan • 22 Qańtar, 2021

Aqsý qalasyna jańa ákim taǵaıyndaldy

Taǵaıyndaý • 22 Qańtar, 2021

Uqsas jańalyqtar