Astanadaǵy Táýelsizdik saraıynda Qazaqstan Respýblıkasy sýdıalarynyń VI sezi bastaldy.Bul týraly Qazaqstan Respýblıkasy Joǵarǵy Sotynyń baspasóz qyzmeti habarlady.
Alqaly jıyndy Joǵarǵy Sot jáne Qazaqstan Respýblıkasynyń Sýdıalar odaǵy uıymdastyryp otyr.
Qazaqstan qazylarynyń bul forýmyna Memleket basshysy Nursultan Nazarbaev, ortalyq memlekettik organdardyń basshylary, sheteldik delegasııalar qatysýda. Jıynǵa sondaı-aq elimizdiń barlyq óńirlerinen 600-den astam sýdıa keldi. Sezge Reseı, Moldova, Ýkraına, Qyrǵyzstan jáne Grýzııa Joǵarǵy sottarynyń delegasııalary shaqyrylǵan. Munyń syrtynda Birikken Arab Ámirlikterinen, Saýd Arabııasynan, Germanııadan shaqyrylǵan qonaqtar, EQYU, BUUDB, Evropalyq Odaqtyń Qazaqstan Respýblıkasyndaǵy О́kildiginiń ókilderi, sondaı-aq Táýelsiz Memleketter Dostastyǵy Ekonomıkalyq Sotynyń jáne Eýrazııalyq Ekonomıkalyq Sotynyń sýdıalary bar.
Sezdiń kún tártibinde Memleket basshysynyń 2009 jylǵy sezde belgilegen mindetteriniń júze asyrylý barysyn talqylaý, sot isin júrgizýdiń ózekti jáıtterin qaraý, Qazaqstannyń álemniń damyǵan 30 memleketiniń qataryna enýi kezindegi sot júıesiniń rólin aıqyndaý máseleleri qaralatyn bolady. Qatysýshylar sot tóreliginiń táýelsizdigi, sot qurylysyn jetildirý, quqyq qorǵaý mehanızmderin jetildirýde sottardyń róli, sottardyń ashyqtyǵy men qoljetimdiligi, sondaı-aq sýdıa kadrlardyń kásibı jáne adamgershilik deńgeıin arttyrý máselelerin talqyǵa salady. Sezde sot júıesiniń ımıdjin kóterý týraly, sýdıalar qoǵamdastyǵy organdaryn damytýdyń perspektıvalary, sýdıalardyń áleýmettik kepildikteri jáne basqa da máseleleri týraly sóz qozǵalady.
Jumys qorytyndysy boıynsha Sezd qaýlysy qabyldanatyn bolady.
Sýdıalar sezi Qazaqstan Respýblıkasy Sýdıalar odaǵynyń joǵary organy bolyp tabylady. Qazaqstannyń Sýdıalar odaǵy 2011 jyldan bastap Halyqaralyq sýdıalar qaýymdastyǵynyń tolyqqandy múshesi. Sezd memlekettiń joǵary laýazymdy tulǵalarynyń qatysýymen 4 jylda 1 ret ótedi.
Sáken Maılybaı.
