MAŃYZY JOǴARY JÚZDESÝLER

Keshe Premer-Mınıstr Kárim Másimov birqatar kez­desýler ótkizdi, dep habarlady Premer-Mınıstrdiń baspasóz qyzmeti. Izraıldiń Indýstrııa, saýda jáne eńbek mınıstri Bınıamın Ben-Elıezermen kezdesýde ekijaqty saýda-eko­no­mıkalyq qyzmettestikti odan ári ulǵaıtý perspektıvalary talqylandy. Qazaqstan Premer-Mı­nıstri el Prezıdenti Nursultan Nazarbaev bekitken Qazaq­stan­nyń údemeli ındýstrııalyq-ınnovasııalyq damý baǵdarla­ma­syn júzege asyrý, sol sııaq­ty kúshine engen Keden odaǵy rynogynyń ulǵaıýy Qazaqstan-Izraıl saýda-ekonomıkalyq jáne ınvestısııalyq qarym-qatynastarynyń áleýetin aı­tar­lyqtaı keńeıtetinin atap kórsetti. Túrik Respýblıkasynyń Mem­­lekettik mınıstri Zafer Chag­laıanmen kezdesýde eki el ara­­syndaǵy ekonomıkalyq qyz­met­testikter bolashaǵy sóz boldy. K.Másimov Qazaqstannyń 2020 jylǵa deıingi damýynyń strategııalyq josparyn jáne Prezıdenttiń eldi údemeli ın­novasııalyq ındýstrııalandyrý jónindegi besjyldyq baǵdarla­ma­syn júzege asyrý, sondaı-aq Qazaqstanda shyǵarylatyn taýar­lardy Keden odaǵyna múshe elderdiń aýmaǵynda ótkizý artyqshylyǵy aıasynda eldiń ınvestısııalyq áleýetiniń artyp otyrǵanyn atap ótti. Osy kúni Premer-Mınıstr K.Másimov Fransýz Respýb­lı­ka­sy Parlamenti Senatynyń qar­jy komıtetiniń tóraǵasy Jan Ar­tıýs bastaǵan fransýz par­la­menttik delegasııasymen kezdesti. Kezdesý barysynda eki el pre­zıdentteri qol jetkizgen ýaǵdalastyqtardy júzege asy­rý­dyń jáne eki el arasyndaǵy eko­nomıkalyq qyzmettestikti odan ári damytýdyń keıbir kókeıkesti máseleleri jóninde pikir almasyldy. K.Másimov senatorlarǵa 2007-2009 jyldary ekonomı­ka­ny turaqtandyrý jóninde qa­byl­danǵan sharalar men ony daǵ­darystan keıingi kezeńde da­mytý perspektıvalary týraly baıandady. Kezdesý barysynda shetel­dik meımandardyń bári de Qa­zaq­standaǵy ekonomıkalyq damý saıa­satyna joǵary baǵa berip, óz­deriniń eki jaqty baılanystardy odan ári jetildire túsýge múddeli ekendikterin bildirdi.