Asqazanyna geroın salǵan júkti áıel ustaldy

Ońtústik Qazaqstan oblysynyń aýmaǵynda asqazanyna geroın salyp alyp kele jatqan ekiqabat kelinshek qolǵa tústi.

Bul aımaqta bir aptanyń ishinde osyndaı tásilmen geroın alyp bara jatqan ekin­shi adam quryqtaldy. Bir erekshe sal­maq salyp aıtatyny, bulardyń ekeýi de eki­qabat kelinshekter bolyp shyqty. Tek­sere kelgende, sońǵysynyń esirtkini Tájik­stannan ákele jatqany anyqtaldy. Al jas kelinshektiń ýly aq untaqty ishine jasy­ryp kele jatqanyn polıseıler rentgen ar­qyly baıqap qoıypty. Sondyqtan tártip saqshylary onyń dáretke shyǵýyn kútipti.

Ońtústik Qazaqstan oblysynyń aýmaǵynda asqazanyna geroın salyp alyp kele jatqan ekiqabat kelinshek qolǵa tústi.

Bul aımaqta bir aptanyń ishinde osyndaı tásilmen geroın alyp bara jatqan ekin­shi adam quryqtaldy. Bir erekshe sal­maq salyp aıtatyny, bulardyń ekeýi de eki­qabat kelinshekter bolyp shyqty. Tek­sere kelgende, sońǵysynyń esirtkini Tájik­stannan ákele jatqany anyqtaldy. Al jas kelinshektiń ýly aq untaqty ishine jasy­ryp kele jatqanyn polıseıler rentgen ar­qyly baıqap qoıypty. Sondyqtan tártip saqshylary onyń dáretke shyǵýyn kútipti.

Asqazannan alynǵan geroınniń salmaǵy 42 gramnan artyq shyqqan. Munsha mol esirtkini ol tájik jerinde 600 dollarǵa satyp alypty. Sóıtip, birneshe kúnniń ishinde «tabysyn» Qaraǵandy oblysyna jetkizbekshi bolypty.

Osy jerde bul áıeldiń nege osyn­sha­lyqty jankeshtilik jasaǵanyna qaıran qalasyń. Eger kózdegen jerine jetpeı ja­typ, asqazandaǵy geroın salynǵan qalta jyrtylyp ketse, ishtegi sharananyń birden joq bolýy óz aldyna, kelinshektiń óz ómirine úlken qaýip tóngen bolar edi. Al mundaı jaǵdaılar qazir ara-tura kezdesip qalyp júr. Mine, osyny bile tura, 26 ja­sar júkti kelinshek bar-joǵy 50 myń teń­ge­ge bola osyndaı úlken táýekelge barypty.

Qazir tasymaldaýshy da, tapsyrys bergen maqtaaraldyq 25 jasar jigit te qulyp astyna alyndy.

«Bul osy aptanyń ishindegi ekinshi oqıǵa. Eki derek boıynsha da eki ekiqabat áıelder qolǵa túsip, jaýapkershilikke tartylǵaly otyr. О́tken apta ishinde 7 aılyq balasy bar 1995 jyly týǵan azamatsha ustalsa, endi boıyna 4 aılyq náreste júktegen kelesi kelinshek torǵa tústi», – dedi Ońtústik Qazaqstan oblysy ishki ister departamenti baspasóz qyzmetiniń jetekshisi Saltanat Qarakózova.

Qurysh NURYMBET.