"Eldegi oryn alatyn tótenshe jaǵdaılardyń 92 paıyzyn órtter quraıdy. Jylý berý kezeńinde jaǵdaı ýshyǵyp ketedi. Pandemııany eskere otyryp, bıyl jylý berý maýsymy ádettegiden erte bastaldy. Qyrkúıekten bastap turǵyn úı sektorynda 1 300-den astam órt oqıǵasy oryn aldy", dedi mınıstr Úkimet otyrysynda.
Onyń sózine qaraǵanda, órt jaǵdaıy faktileriniń ósýi Shymkent qalasynda 8 ese, Almaty – 60%, al qyryqtan jıyrma paıyzǵa deıin tómendeý Aqmola, Jambyl, Soltústik Qazaqstan jáne Qostanaı oblystarynda baıqaldy.
"О́rttiń ósý sebepteri órt qaýipsizdigi talaptaryn oryndamaý saldarynan, atap aıtqanda turmystyq qurylǵylar men peshterdi paıdalaný kezinde oryn alyp otyr", dedi Iý. Ilın.
"Byltyrǵy jylǵy tájirıbeniń negizinde turǵyn úı sektorynda josparly túrde jumystar júrgizilýde. Jylý berý maýsymy bastalǵanǵa deıin 15 tamyzdan bastap tıisti sharalar atqaryldy. Osy oraıda halyq arasyndaǵy áleýmettik osal toptardaǵy 118 myńnan astam turǵyn úıi esepke alyndy. О́ńirlik ákimdiktermen, ishki ister organdarynyń, áleýmettik qamtý, bilim berý jáne densaýlyq saqtaý ókilderimen birlesip 87 myńnan astam úıge nemese 74 paıyzyna aralap tekserýler júrgizildi. Onyń ishinde 9 paıyzǵa jýyǵy (10 myńnan astam úı) órt qaýipsizdigi qaǵıdalaryn buza otyryp paıdalanylýda, olar jergilikti atqarýshy organdar baqylaýyna alyndy", dedi mınıstr.
