Bul tapsyrmany QR Prezıdenti Q.Toqaev óziniń joldaýynda qoıdy. Qazirgi ýaqytta Nur-Sultanda barlyq aýdandarda quramynda synap bar shamdardy, termometrler men batareıalardy jınaýǵa arnalǵan 600-den astam konteıner ornatyldy.
"Turǵyndar shamdardy sonda tastaıdy, bizdiń kompanııa konteınerlerden jınap, zaýytqa ákelip, zararsyzdandyrady", deıdi "NTP Kazecotech" JShS bas dırektory Vladımır Andreev.
1 qarashadaǵy jaǵdaı boıynsha 500-den asa sham lampalary jınalǵan. Osylaısha, 3 mıllıon 908 myń tekshe metr aýanyń ýly býmen lastanýyna jol berilmedi. Sonymen qatar konteınerlerge qyzmet kórsetý kezinde kompanııa vandalızm jáne basqa da birqatar máselelerge tap bolady.
"Kóbine kólikter, buzaqylar konteınerlerge zııan keltiredi, bólshekterdi – esikterdi, sórelerdi, qoraptardy jáne basqalaryn urlaıdy. Munyń bári adamdar arasynda túsinbeýshilik týǵyzady. Osyǵan baılanysty ákimdik habarlandyrýlar, onyń ishinde +7 708 425 15 88 jáne 8 (7172) 25 15 88 telefon nómirleri jazylǵan belgiler ornatýda", dep túsindirdi Vladımır Andreev.
Qońyraý túsken jaǵdaıda kelý jáne kemshilikterdi joıý eki saǵat ishinde júzege asyrylady. Kompanııa qyzmetkerleri sonymen qatar menshikke jaýapkershilikpen qaraýdy talap etedi, óıtkeni bul, basqalarmen qatar, barlyq azamattardyń ómir súrý sapasyna áser etedi.
