Búginde oblysta karantındik sharalardyń saqtalýyn baqylaıtyn mobıldi 158 monıtorıng toby qurylǵan eken. Munyń 20-sy – oblys ortalyǵynda bolsa, 138-i aýdandarda qyzmet etedi. Osy toptar 2 qarashaǵa deıin karantın shekteý talaptarynyń 348 márte buzylǵanyn anyqtaǵan. Polısııa departamenti qyzmetkerleri 2 534 zańbuzýshylyqty tirkegen. Tártip buzǵandardyń 2 578-i jeke adamdar bolsa, 304 zańdy tulǵa da shekteý talaptaryn buzyp, kózge túsken.
О́tken aptada batysqazaqstandyq aýyl ákimi ulynyń úılený toıyn Oral qalasynda meıramhanada toılaǵany týraly aqparat jarııa bolǵan edi. Shtab otyrysynda aýyl ákiminiń máselesi de qaraldy.
– Aqjaıyq aýdany Aqjol aýyldyq okrýginiń ákimi Tátjan О́temisov 9 qazan men 9 qarasha aralyǵynda kezekti eńbek demalysynda bolǵan. Laýazymdyq merzimi aıaqtalýyna baılanysty ol 10 qarashadan bastap qyzmetinen bosatylady, – dedi oblys ákimi apparatynyń jetekshisi Berik Bataev.
Sondaı-aq T.О́temisovtiń máselesi «Memlekettik qyzmetshilerdi tártiptik jaýapkershilikke tartý erejeleri týraly» Prezıdent Jarlyǵyna sáıkes Memlekettik qyzmet isteri departamentiniń arnaıy keńesinde qaralmaq.
Batys Qazaqstan oblystyq tutynýshy quqyǵyn qorǵaý basqarmasy karantındik shekteý sharalaryn buzǵany úshin Tátjan О́temisovke 41 670 teńge ákimshilik aıyppul salǵany da belgili boldy.
Árıne, mundaı qatań sharalardyń bári de oblys turǵyndarynyń densaýlyǵy úshin jasalyp jatyr. Eger vırýs jappaı tarap, karantın tártibi qatańdaıtyn bolsa, halyqqa da, óńir ekonomıkasyna da aýyr tıetini sózsiz. Batys Qazaqstan oblystyq densaýlyq saqtaý basqarmasy basshysynyń mindetin atqarýshy Ǵızatýlla Lıamovtyń aıtýynsha, sońǵy aptada oblysta kovıdtyq pnevmonııamen aýyrý kórsetkishi kóbeıgen. Dál qazir 148 naýqas Sovid-19 dertinen em alýda. Sondyqtan saqtyqty kúsheıtpese bolmaıdy.
