Mamandardyń aıtýynsha Batys Qazaqstan oblysynyń koronavırýstyq ınfeksııa boıynsha epıdemıologııalyq ahýaly kún sanap nasharlap keledi.
Osy kezge deıin aımaqta COVID-19 juqtyrǵan 7142 adam tirkelse, onyń 3130-y aýrýhanadan em aldy. Naýqastardyń 97 paıyzy jazylyp shyqqan. 121 adam koronavırýstan qaıtys bolǵan. «Aýrýdyń jalpy deńgeıi Batys Qazaqstan oblysy boıynsha 100 myń turǵynǵa shaqqanda 1083,1 qurady» deıdi Batys Qazaqstan oblystyq taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Nurlybek Mustaev.
Sońǵy táýlikte óńirde 39 adam koronavırýs juqtyrǵany anyqtalǵan. Al 149 adam pnevmonııa dıagnozymen em qabyldaýda.
Gúlnár Maqsotqyzynyń aıtýynsha, blokbeketter janynda ornalasqan 4 karantındik aýrýhanada qazir 41 adam jatyr. Al jalpy sany 333 tósektik 6 juqpaly aýrýlar aýrýhanasynda 138 adam emdelýde. О́ńir boıynsha 2044 tósekke arnalǵan rezervtik oryn daıyndalǵan.
Qazan aıynyń basynan beri koronavırýs ınfeksııasymen tirkelgen 161 adamnyń 73-i – zeınetkerler eken. 15 adam – medısına qyzmetkerleri, 9 adam – mektep pen mektepke deıingi mekemeler muǵalimderi bolyp shyqqan.
Sońǵy bir aı ishinde (06.10.2020-06.11.2020) Reseı Federasııasy aýmaǵynan memlekettik shekara arqyly Batys Qazaqstan oblysyna 18983 adam ótken. Bulardyń ishinde COVID-19-ǵa tekserilgen anyqtamasy joq 831 qazaqstandyq blokbeket janyndaǵy karantındik aýrýhanaǵa 2 kúnge jatqyzylǵan. Tekseris kezinde olardyń 19-ynan vırýs tabylǵan. Al PTR-test anyqtamasy joq 104 shetel azamatyna shekaradan ótýge tıym salynǵan.
17 tamyzdan bastap Monıtorıng toptary karantındi álsiretkennen bastap Qazaqstan Respýblıkasy men oblystyń Bas memlekettik sanıtarlyq dárigeriniń qaýlysyna sáıkes sanıtarlyq-dezınfeksııalyq rejım talaptarynyń buzylýyn toqtatý jumystary jalǵasýda.
Nurlybek Mustaev óńirde karantın talaptaryn buzýshylardy anyqtaıtyn 158 monıtorıngtik top qurylyp, olar 475 nysanda shekteý talaptaryn buzýshylyqty anyqtaǵanyn aıtady. Osy kezge deıin kóterilgen 360 ákimshilik is boıynsha talapty buzýshylarǵa 18 mln teńgeden astam aıyppul salynǵan.
