Keıbir ınternet-saıt pen áleýmettik jelide Qazaqstan Ázerbaıjanǵa qarý jetkize bastady degen habarlama taraǵan. Bul aqparat − feık. Indýstrııa jáne ınfraqurylymdyq damý mınıstrligi málimettiń shyndyqqa janaspaıtynyn aıtyp, joqqa shyǵardy.
"Qazaqstan álemdik qaýymdastyq aldyndaǵy barlyq mindetin oryndaıdy jáne basqa elderge qarý jetkizý nıeti joq. Maqalada kórsetilgen málimetter shyndyqqa janaspaıdy jáne onyń eshqandaı negizdemesi joq", delingen vedomstvonyń habarlamasynda.
Eske sala keteıik, IIDM Azamattyq avıasııa komıtetiniń málimetinshe, 2020 jylǵy 2-3 qarashada Silk Way West Airlines áýekompanııasy Nur-Sultan jáne Baký arasynda reıs jasamaǵan.
